- ફાસ્ટ બોલર મોહમ્મદ શમી લોકસભા ચૂંટણી લડી શકે છે
- પશ્ચિમ બંગાળની બસીરહાટ સીટ પરથી લડી શકે છે ચૂંટણી
- મોહમ્મદ શમી બંગાળ તરફથી ડોમેસ્ટિક ક્રિકેટ રમી રહ્યો છે
ટીમ ઈન્ડિયાનો સ્ટાર બોલર મોહમ્મદ શમી લોકસભા ચૂંટણી લડી શકે છે. ભારતીય જનતા પાર્ટી (BJP)એ તેમને ચૂંટણી મેદાનમાં ઉતારવાની તૈયારી કરી લીધી છે. સૂત્રોના જણાવ્યા અનુસાર, ભાજપ પશ્ચિમ બંગાળની બસીરહાટ સીટ પરથી મોહમ્મદ શમીને મેદાનમાં ઉતારી શકે છે. આ અંગે અટકળોએ જોર પકડ્યું છે. ખાસ વાત એ છે કે સંદેશખાલી આ સંસદીય ક્ષેત્રમાં છે.
ગયા વર્ષે શક્યતાઓ વ્યક્ત કરવામાં આવી હતી
તાજેતરમાં જ મોહમ્મદ શમીએ ઉત્તરાખંડના એક બીજેપી નેતાના સમારોહમાં હાજરી આપી હતી. જો કે તેઓ અત્યાર સુધી ન તો કોઈ પાર્ટીમાં જોડાયા છે અને ન તો આ અંગે કોઈ નિવેદન આપ્યું છે, પરંતુ એવું કહેવામાં આવી રહ્યું છે કે તેઓ ટૂંક સમયમાં ભાજપમાં જોડાઈ શકે છે. ગયા વર્ષે ડિસેમ્બરમાં બીજેપી અલ્પસંખ્યક મોરચાના અધ્યક્ષ કુંવર બાસિત અલી પણ શમીના ગામ અમરોહા પહોંચ્યા હતા. ત્યારે પણ તેણે શમી ભાજપમાં જોડાય તેવી શક્યતા વ્યક્ત કરી હતી.
પીએમ મોદીએ પ્રોત્સાહિત કર્યા
ઉત્તર પ્રદેશની યોગી સરકાર પણ અમરોહાના સહસપુર અલીનગર ગામમાં ક્રિકેટ સ્ટેડિયમ બનાવવાની તૈયારી કરી રહી છે. માનવામાં આવી રહ્યું છે કે, ભાજપ સ્ટાર ઉમેદવાર માટે કોઈ કસર છોડવા માંગતી નથી. ગયા વર્ષે PM મોદીએ પણ ODI વર્લ્ડકપ બાદ શમીને પ્રોત્સાહિત કર્યા હતા. જ્યારે તેણે અનેક અવસરો પર તેના વખાણ પણ કર્યા છે. કહેવામાં આવી રહ્યું છે કે મોહમ્મદ શમીને મેદાનમાં ઉતારીને ભાજપ મોટો દાવ રમી શકે છે. જો કે હવે જોવાનું એ રહે છે કે આ પ્રસ્તાવ સ્વીકાર્યા બાદ શમી ક્યારે રાજકીય મેદાનમાં ઉતરશે.
મોહમ્મદ શમીને ટિકિટ ઓફર કરવામાં આવી છે
મોહમ્મદ શમી બંગાળ તરફથી ડોમેસ્ટિક ક્રિકેટ રમી રહ્યો છે. એવું કહેવામાં આવી રહ્યું છે કે ભાજપે મોહમ્મદ શમીને ટિકિટની ઓફર કરી છે, પરંતુ હજુ સુધી કોઈ નિર્ણય લેવામાં આવ્યો નથી. તમને જણાવી દઈએ કે ભાજપે રાજસ્થાનની ચુરુ સીટ પરથી પેરાલિમ્પિક ચેમ્પિયન દેવેન્દ્ર ઝાઝરિયાને મેદાનમાં ઉતાર્યા છે. આવી સ્થિતિમાં એવું કહેવામાં આવી રહ્યું છે કે ભાજપ મોહમ્મદ શમી સહિત ઘણા સ્ટાર ખેલાડીઓના ચહેરા પર દાવ લગાવી શકે છે. મોહમ્મદ શમી હાલ બ્રેક પર છે. તેણે હાલમાં જ સર્જરી કરાવી છે. શમીએ તેની છેલ્લી મેચ ગયા વર્ષે 19 નવેમ્બરે ઓસ્ટ્રેલિયા સામે રમી હતી. ત્યારથી તે કોઈ મેચ રમ્યો નથી. એડીની સર્જરીને કારણે તે IPL 2024માંથી પણ બહાર થઈ ગયો છે.
નુસરત જહાં સાંસદ
બસીરહાટ લોકસભા સીટની વાત કરીએ તો હાલમાં અભિનેત્રી અને ટીએમસી નેતા નુસરત જહાં અહીંથી સાંસદ છે. તેમણે ભાજપના સાયંતન બસુને 3.50 લાખથી વધુ મતોથી હરાવ્યા હતા. જો મોહમ્મદ શમી બસીરહાટથી ચૂંટણી લડશે તો બંને સ્ટાર ઉમેદવારો વચ્ચેનો મુકાબલો ઘણો રસપ્રદ બની જશે.
