- ભારત T20 વર્લ્ડ કપ 2024 દ્વારા ICC ટ્રોફી જીતવા માંગશે
- ભારતીય ટીમે છેલ્લે 2013માં ICC ચેમ્પિયન ટ્રોફી જીતી હતી
- જસપ્રિત બુમરાહ T20 વર્લ્ડ કપ 2024માં પણ કમાલ કરી શકે
ભારતીય ટીમ ચોક્કસપણે T20 વર્લ્ડ કપ 2024 દ્વારા ICC ટ્રોફી જીતવા માંગશે. આ વર્ષે T20 વર્લ્ડ કપની યજમાની વેસ્ટ ઈન્ડિઝ અને અમેરિકા કરશે. જે રીતે તમે જોયું કે 2023માં રમાયેલા ODI વર્લ્ડ કપમાં ભારતીય બોલરોએ શાનદાર પ્રદર્શન કર્યું હતું, તેવી જ રીતે ભારતીય બોલરો 2024ના T20 વર્લ્ડ કપમાં પણ તબાહી મચાવી શકે છે. T20 વર્લ્ડ કપમાં વિરોધી ટીમો માટે કયા ત્રણ બોલર ઘાતક સાબિત થઈ શકે છે.
1- જસપ્રીત બુમરાહ
જસપ્રીત બુમરાહ ભારતીય ક્રિકેટ ટીમનો એવો બોલર છે, જે કોઈપણ ફોર્મેટ અને કોઈપણ પીચ પર બેટ્સમેન માટે મુશ્કેલી ઊભી કરી શકે છે. બુમરાહ એવો બોલર છે જે ભારત માટે ત્રણેય ફોર્મેટ રમે છે. બુમરાહ કોઈપણ ફોર્મેટમાં પોતાની બોલિંગથી વિરોધી ટીમને હરાવવાની ક્ષમતા ધરાવે છે. દર વખતે તેના શાનદાર પ્રદર્શનની જેમ, બુમરાહ T20 વર્લ્ડ કપ 2024માં પણ કમાલ કરી શકે છે. ટીમ ઈન્ડિયા બુમરાહ પર ઘણી નિર્ભર છે.
2- મોહમ્મદ સિરાજ
સિરાજે તાજેતરના સમયમાં કમાલ કરી બતાવી છે. સિરાજ માત્ર ભારતમાં જ નહીં પરંતુ ક્રિકેટ જગતના શાનદાર બોલરોમાંનો એક છે. હવે સિરાજ પણ એવો બોલર બની ગયો છે જે ભારત માટે ત્રણેય ફોર્મેટ રમે છે. આવી સ્થિતિમાં 2024 T20 વર્લ્ડ કપમાં મોહમ્મદ સિરાજ પર ટીમ ઈન્ડિયાની ઘણી જવાબદારી હોઈ શકે છે. સિરાજમાં પોતાની બોલિંગથી કોઈ પણ ટીમના બેટ્સમેનોને એક પછી એક આઉટ કરવાની ખાસ ક્ષમતા છે.
3- રવિન્દ્ર જાડેજા
ભારતીય ક્રિકેટ ટીમમાં સ્પિનરોની વાત કરવામાં આવે તો રવિન્દ્ર જેડજાનો ઉલ્લેખ ન થાય તે શક્ય નથી. જાડેજા લાંબા સમયથી ભારત માટે ત્રણેય ફોર્મેટમાં ઓલરાઉન્ડર તરીકે રમી રહ્યો છે. જાડેજાએ પોતાની બોલિંગથી એક અલગ જ છાપ છોડી છે. T20 વર્લ્ડ કપમાં જાડેજા ભારત માટે મહત્વનો સ્પિનર સાબિત થઈ શકે છે.
