‘નવા વર્ષનો ગમ તને મુબારક..’ હસીન જહાંએ શમીને ફરી માર્યો ટોણો

• હસીન જહાંએ ફરી એકવાર એક એવી પોસ્ટ કરી
  
  
• વૃંદાવનના પ્રેમાનંદજી મહારાજનો એક વીડિયો શેર કર્યો
• તમારા કુકર્મોના કારણે મારે શું સહન કરવું પડ્યું

ભારતીય ક્રિકેટર મોહમ્મદ શમીની અલગ થયેલી ગયેલી પત્ની હસીન જહાં સોશિયલ મીડિયા પર ચર્ચામાં રહે છે. હસીન જહાં ODI વર્લ્ડ કપ-2023 થી પણ સમાચારમાં છે કારણ કે તેણે શમી પર નિશાન સાધતા એક પછી એક ઘણી પોસ્ટ શેર કરી છે.

હસીને સોશિયલ મીડિયા પર કરી પોસ્ટ

સોશિયલ મીડિયા પર ખૂબ જ એક્ટિવ રહેનારી હસીન જહાંએ ફરી એકવાર એક એવી પોસ્ટ કરી છે જે કટાક્ષથી ભરેલી છે. પોસ્ટ પર કોમેન્ટ કરતા ઘણા યુઝર્સનું કહેવું છે કે તે શમીને તેની પોસ્ટ માટે ટોણો મારી રહી છે. જોકે, હસીન જહાંએ આ પોસ્ટમાં ક્યાંય શમીનું નામ લીધું નથી. પરંતુ સોશિયલ મીડિયા પર લોકો કહે છે કે આ ઈશારો માત્ર શમી તરફ છે.

નિર્દોષ વ્યક્તિએ આપેલો શ્રાપ..!

હસીન જહાંએ ઈન્સ્ટાગ્રામ પર વૃંદાવનના પ્રેમાનંદજી મહારાજનો એક વીડિયો શેર કર્યો છે. જેમાં પ્રેમાનંદજી મહારાજ વાત કરી રહ્યા છે કે નિર્દોષ વ્યક્તિએ આપેલો શ્રાપ ક્યારેય વ્યર્થ જતો નથી. આ વીડિયોને શેર કરતા હસીન જહાંએ લખ્યું કે, "તમને તમારા કુકર્મનું ફળ મળવાનું પણ શરૂ નથી થયું અને તમે પરેશાન થવા લાગ્યા છો." તો તમે વિચારો કે તમારા કુકર્મોના કારણે મારે શું સહન કરવું પડ્યું છે અને મે માત્ર ધીરજ રાખી હતી અને હજુ પણ ધીરજ રાખું છું.

હસીન જહાંએ આગળ લખ્યું, "બસ મારી ધીરજ, હું રાહ જોઈ રહી છું કે ભગવાન ક્યારે તને સજા આપશે." મારા માટે હેપ્પી ન્યૂ યર, નવા વર્ષના ગમ તને મુબારક.'' હસીન જહાંની આ પોસ્ટ વાયરલ થઈ છે.

કેવા હતા મોહમ્મદ શમી અને હસીન જહાંના સંબંધો

હસીન જહાં વ્યવસાયે મોડલ છે અને તેણે 6 જૂન 2014ના રોજ મોહમ્મદ શમી સાથે લગ્ન કર્યા હતા. બંનેના લગ્નજીવનથી એક પુત્રી છે. જે હસીન જહાં સાથે રહે છે. શમી ઘણી વખત પોતાની દીકરી પ્રત્યેનો પ્રેમ વ્યક્ત કરી ચુક્યા છે. લગ્નના થોડા સમય બાદ હસીન જહાંએ મોહમ્મદ શમી પર અન્ય મહિલાઓ સાથે સંબંધો અને ઘરેલુ હિંસાનો આરોપ લગાવ્યો હતો. હસીન જહાંએ એવો પણ આરોપ લગાવ્યો હતો કે મોહમ્મદ શમી પણ ક્રિકેટ મેચ ફિક્સિંગમાં સામેલ હતો. હાલમાં મોહમ્મદ શમી અને હસીન જહાંના છૂટાછેડાનો કેસ કોર્ટમાં ચાલી રહ્યો છે. લાંબી કાનૂની લડાઈને કારણે તેમના છૂટાછેડા પેન્ડિંગ છે.