- વિરાટ અને રોહિત ODI ફોર્મેટમાં 10 હજારથી વધુ રન
- વર્ષ 2024માં ટીમ ઈન્ડિયા માત્ર એક વનડે સિરીઝ રમશે
- વિરાટ અને રેહિત શર્માનું વનડે ફોર્મેટમાં રમવું થોડું મુશ્કેલ
વર્ષ 2023માં, વિરાટ કોહલી અને રોહિત શર્માને ODI ક્રિકેટમાં સૌથી વધુ રન બનાવનાર બેટ્સમેનોની ટોપ-3 યાદીમાં સામેલ કરવામાં આવ્યા હતા. આ બંનેએ તાજેતરમાં પૂરા થયેલા વર્લ્ડ કપ 2023માં ઘણા રન બનાવ્યા હતા. ખાસ વાત એ છે કે આ ફોર્મેટમાં આ બંને બેટ્સમેનોએ લાંબા સમય બાદ આટલી શાનદાર રમત દેખાડી હતી. જો કે, આ મજબૂત પ્રદર્શન છતાં, આ બે મહાન ખેલાડીઓ માટે ભવિષ્યમાં ODI ક્રિકેટમાં દેખાવું થોડું મુશ્કેલ લાગે છે.
આ વર્ષે ભારત માત્ર 1 વનડે સિરીઝ રમશે
વાસ્તવમાં, ટીમ ઈન્ડિયા આખા વર્ષમાં માત્ર એક જ ODI સિરીઝ રમવા જઈ રહી છે. આ વનડે સીરીઝમાં તેને માત્ર ત્રણ મેચ રમવાની છે. ટીમ ઈન્ડિયા મોટાભાગનો સમય માત્ર ટેસ્ટ અને T20 ફોર્મેટમાં જ વ્યસ્ત છે. ભારતીય ટીમ આ વર્ષે કુલ 15 ટેસ્ટ મેચ રમશે અને 9 T20 મેચોની સાથે T20 વર્લ્ડ કપમાં પણ ભાગ લેશે. શેડ્યુલના જોતા એ નિશ્ચિત છે કે રોહિત અને વિરાટ ટેસ્ટ મેચમાં રમશે. આ બંને T20 વર્લ્ડ કપમાં પણ જોવા મળી શકે છે. આવી સ્થિતિમાં, આ વર્ષે યોજાનારી ત્રણ વન-ડે મેચોમાં તેના ભાગ લેવાની સંભાવના ઘણી ઓછી છે.
વર્ષ 2025માં ODI રમવાની શક્યતાઓ પણ ઓછી
વર્ષ 2024 માં, આ બંને મહાન ખેલાડીઓ ODI ફોર્મેટમાં રમવાની શક્યતા ઘણી ઓછી છે. આ પછી, તેમની વનડેમાં વાપસી ફોર્મ પર નિર્ભર રહેશે. તેમની વધતી ઉંમર અને ટીમ ઈન્ડિયામાં યુવા ક્રિકેટરોની કુશળતાને જોતા તે બંને વર્ષ 2025માં ODI ટીમમાં પોતાનું સ્થાન બનાવવું મુશ્કેલ લાગે છે. શક્ય છે કે BCCI આ બંનેને માત્ર ટેસ્ટ ક્રિકેટ સુધી જ સીમિત રાખવાની ફોર્મ્યુલા શોધી શકે છે. વધુ ક્રિકેટને કારણે, ઘણા દેશોના બોર્ડ દરેક ફોર્મેટ માટે સંપૂર્ણપણે અલગ ટીમો બનાવવાનો આગ્રહ કરી રહ્યા છે. આવી સ્થિતિમાં, શક્ય છે કે BCCI પણ આ જ વલણને અનુસરે.
વનડે ફોર્મેટમાં 10 હજારથી વધુ રન
જો આવું થાય તો સમજી લેવું કે વર્લ્ડ કપ 2023ની ફાઈનલ મેચ વિરાટ અને રોહિતના કરિયરની છેલ્લી ODI મેચ હતી. બંને ખેલાડીઓ વનડે ક્રિકેટમાં મોટા નામ છે. આ ફોર્મેટમાં બંનેના નામે 10-10 હજારથી વધુ રન છે.
