ભારત અને ઇંગ્લેન્ડ વચ્ચે સીરીઝની બીજી ટેસ્ટ મેચ એજબેસ્ટન ખાતે રમાઈ રહી છે. ટોસ હાર્યા બાદ ટીમ ઈન્ડિયા પહેલા બેટિંગ કરવા ઉતરી છે. ભારતીય ટીમે તેની પ્લેઈંગ 11માં ત્રણ મોટા ફેરફાર કર્યા છે. વર્કલોડને ધ્યાનમાં રાખીને, આ ટેસ્ટ મેચ માટે જસપ્રીત બુમરાહને આરામ આપવામાં આવ્યો છે. બુમરાહની જગ્યાએ આકાશદીપને તક મળી છે.ભારતના ભૂતપૂર્વ મુખ્ય કોચ રવિ શાસ્ત્રી આ નિર્ણયથી ખૂબ જ નારાજ છે. શાસ્ત્રી કહે છે કે સીરીઝની નજરે આ મેચ ખૂબ જ મહત્વપૂર્ણ હતી અને બુમરાહને આ મેચમાં રમવું જોઈતું હતું.
બુમરાહને આરામ આપવામાં આવતા શાસ્ત્રી નિરાશ
રવિ શાસ્ત્રીએ કહ્યું, મને આ નિર્ણયથી સંપૂર્ણપણે આશ્ચર્ય થયું છે. આ ખૂબ જ મહત્વપૂર્ણ મેચ છે. બુમરાહને હમણાં જ એક અઠવાડિયાનો આરામ મળ્યો હતો. મને આશ્ચર્ય થયું છે કે બુમરાહ આ મેચ રમી રહ્યો નથી. મારા મતે આ બાબત ખેલાડીના હાથમાંથી છીનવી લેવી જોઈએ. કેપ્ટન અને કોચિંગ સ્ટાફે પ્લેઇંગ 11 અંગે નિર્ણય લેવો જોઈએ. તેમણે નક્કી કરવું જોઈએ કે અંતિમ 11માં કોણ રમશે અને કોણ નહીં. સીરીઝને નજરે આ એક મહત્વપૂર્ણ મેચ હતી. તેણે આ મેચ કોઈપણ કિંમતે રમવી જોઈએ. લોર્ડ્સ ટેસ્ટ મેચ પછીની છે. આ એક મહત્વપૂર્ણ મેચ છે.
ટીમ ઇન્ડિયામાં ત્રણ ફેરફાર
ટીમ ઈન્ડિયાએ એજબેસ્ટન મેદાન પર રમાનારી પોતાની પ્લેઈંગ 11 ટીમમાં ત્રણ ફેરફાર કર્યા છે. જસપ્રીત બુમરાહને બીજી ટેસ્ટમાં આરામ આપવામાં આવ્યો છે જેથી તે પોતાના વર્કલોડને સંભાળી શકે. બુમરાહની જગ્યાએ આકાશદીપને તક આપવામાં આવી છે. તે જ સમયે, શાર્દુલ ઠાકુરને ટીમમાંથી બહારનો રસ્તો બતાવી દેવામાં આવ્યો છે અને ટીમ મેનેજમેન્ટે તેની જગ્યાએ નીતિશ કુમાર રેડ્ડી પર વિશ્વાસ દર્શાવ્યો છે. સાઈ સુદર્શનને પડતા મૂકીને વોશિંગ્ટન સુંદરને પ્લેઈંગ 11 ટીમમાં તક આપવામાં આવી છે.
