IND Vs ENG મેચ ક્યાં જોઈ શક્શો? જાણો સમગ્ર ડિટેલ્સ

IND Vs ENG ટેસ્ટ સિરીઝમાં મોટો ફેરફાર આવ્યો છે. આ વખતે આ સિરીઝનું લાઈવ ટેલિકાસ્ટ સ્ટાર સ્પોર્ટ્સને બદલે સોની સ્પોર્ટ્સ નેટવર્ક પર કરવામાં આવશે. તેનું લાઈવ સ્ટ્રીમિંગ પહેલાની જેમ જ જિયો હોટસ્ટાર એપ પર ઉપલબ્ધ થશે.

શુભમન ગિલના નેતૃત્વમાં ભારતીય ટીમ પહેલીવાર ઈંગ્લેન્ડમાં ટેસ્ટ સિરીઝ રમશે, તેથી આ સિરીઝ ઘણી રીતે ખાસ બનવાની છે.

ક્યાં જોઈ શકશો મેચ?

તમને જણાવી દઈએ કે ભારત અને ઈંગ્લેન્ડ વચ્ચેની ટેસ્ટ સિરીઝ ઈંગ્લેન્ડમાં રમાવવાની છે. આવામાં સોનીએ આ તકનો લાભ ઉઠાવ્યો અને આ હાઈ-વોલ્ટેજ સિરીઝના રાઈટ્સ મેળવ્યા. પરંતુ ખાસ વાત એ છે કે ફેન્સ હવે પાંચેય ટેસ્ટ મેચ સોની સ્પોર્ટ્સ તેમજ જિયો હોટસ્ટાર એપ પર લાઈવ જોઈ શકે છે. આ સિરીઝ સોની લિવ એપ પર પણ જોઈ શકાય છે, જે મોબાઈલ અને સ્માર્ટ ટીવી બંને પર સરળતાથી ઉપલબ્ધ છે.

ભારત અને ઈંગ્લેન્ડ વચ્ચેની ટેસ્ટ સિરીઝનો સંપૂર્ણ કાર્યક્રમ

પહેલી ટેસ્ટ - 20 જૂનથી, હેડિંગ્લી, લીડ્સ

બીજી ટેસ્ટ - 2 જુલાઈથી, એજબેસ્ટન

ત્રીજી ટેસ્ટ - 10 જુલાઈથી, લોર્ડ્સ

ચોથી ટેસ્ટ - 23 જુલાઈથી, માન્ચેસ્ટર

પાંચમી ટેસ્ટ - 31 જુલાઈથી, ઓવલ

આ આખી સિરીઝ ઈંગ્લેન્ડમાં રમાશે, જ્યાં પીચ અને હવામાન ટેસ્ટ ક્રિકેટને વધુ રોમાંચક બનાવે છે. ભારતીય ટીમ પાસે હવે નવો કેપ્ટન છે અને શુભમન ગિલ માટે પોતાને એક સફળ કેપ્ટન તરીકે સાબિત કરવાની આ એક મોટી તક છે. ઈંગ્લેન્ડનો પડકાર સરળ નહીં હોય, પરંતુ ભારતીય ટીમમાં યુવા ઉત્સાહ અને મજબૂત બોલિંગ આક્રમણ છે.

ઈંગ્લેન્ડ પ્રવાસ માટે ભારતીય ટીમ

શુભમન ગિલ (કેપ્ટન), રિષભ પંત (વાઈસ કેપ્ટન, વિકેટકીપર), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નિતીશકુમાર રેડ્ડી, રવિન્દ્ર જાડેજા, ધ્રુવ જુરેલ, વોશ્ગિંટન સુંદર, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશ દીપ, અર્શદીપ સિંહ, કુલદીપ યાદવ.