T20 આંતરરાષ્ટ્રીય મેચોમાં સૌથી વધુ મેચ રમનારા ખેલાડીઓમાં આ ભારતીય ખેલાડી છે ટોપ પર!

T20 આંતરરાષ્ટ્રીય ક્રિકેટમાં બેટ્સમેન ચોગ્ગા અને છગ્ગા ફટકારીને રેકોર્ડ બનાવે છે, તો કેટલાક ખેલાડીઓ લાંબા સમય સુધી સતત રમીને નવો ઇતિહાસ રચે છે.

ભારતના કેપ્ટન રોહિત શર્માનું નામ આવા ખેલાડીઓની લિસ્ટમાં ટોપ પર આવે છે, જેમણે પોતાની કારકિર્દીમાં સૌથી વધુ T20 આંતરરાષ્ટ્રીય મેચ રમી છે. ચાલો જાણીએ T20 આંતરરાષ્ટ્રીયમાં સૌથી વધુ મેચ રમનારા ટોપના 5 ખેલાડીઓ કોણ છે.

રોહિત શર્મા - ભારત

કુલ મેચ - 159

ટી20 આંતરરાષ્ટ્રીય ક્રિકેટમાંથી નિવૃત્તિ લેનાર રોહિત શર્મા આ ફોર્મેટનો સૌથી અનુભવી ખેલાડી છે. 2007 થી 2024 સુધી, તેણે કુલ 159 મેચ રમી, જેમાં તેણે 32.05 ની સરેરાશથી 4231 રન બનાવ્યા. તેનો સર્વોચ્ચ સ્કોર 121 અણનમ છે. રોહિતના નામે 5 શાનદાર સદી પણ છે. રોહિત શર્માને ટી20નો સૌથી આક્રમક બેટ્સમેન પણ કહેવામાં આવે છે.

પોલ સ્ટર્લિંગ - આયર્લેન્ડ

કુલ મેચ - 151

આ લિસ્ટમાં આયર્લેન્ડના દિગ્ગજ બેટ્સમેન પોલ સ્ટર્લિંગ બીજા સ્થાને છે. તેમણે T20 આંતરરાષ્ટ્રીયમાં 151 મેચ રમી છે. આ દરમિયાન તેમણે 3669 રન બનાવ્યા, જેમાં તેમનો બેસ્ટ સ્કોર અણનમ 115 રન હતો. સ્ટર્લિંગે T20I માં સદી ફટકારી છે અને બોલિંગમાં 20 વિકેટ પણ લીધી છે.

જ્યોર્જ ડોક્રેલ - આયર્લેન્ડ

કુલ મેચ - 145

આ લિસ્ટમાં આયર્લેન્ડના અન્ય એક ખેલાડીનો પણ સમાવેશ થાય છે. ઓલરાઉન્ડર જ્યોર્જ ડોકરેલ T20 આંતરરાષ્ટ્રીયમાં 145 મેચ રમ્યા છે. આ દરમિયાન તેમણે 1194 રન બનાવ્યા અને 83 વિકેટ લીધી. તેમનો બેસ્ટ બોલિંગ ફિગર 20 રન આપીને 4 વિકેટનો હતો, અને તેમણે ફિલ્ડિંગમાં 65 કેચ પણ લીધા હતા.

મહમુદુલ્લાહ - બાંગ્લાદેશ

કુલ મેચ - 141

બાંગ્લાદેશનો સ્ટાર ઓલરાઉન્ડર મહમુદુલ્લાહ આ લિસ્ટમાં ચોથા સ્થાને છે. તેણે T20I માં 141 મેચ રમી છે. આ સમયગાળા દરમિયાન મહમુદુલ્લાહે 2444 રન બનાવ્યા અને બોલ સાથે 41 વિકેટ લીધી. T20I માં તેનું બેસ્ટ બોલિંગ પ્રદર્શન 3/10 રહ્યું છે.

જોસ બટલર - ઇંગ્લેન્ડ

કુલ મેચ - 137

આ લિસ્ટમાં ઈંગ્લેન્ડના વિકેટકીપર-બેટ્સમેન જોસ બટલરનું નામ પણ સામેલ છે. બટલરે અત્યાર સુધીમાં 137 મેચ રમી છે. તેણે 3700 રન બનાવ્યા છે અને તેનો બેસ્ટ સ્કોર 101 અણનમ છે. બટલરે આ ફોર્મેટમાં શાનદાર સદી ફટકારી છે અને વિકેટકીપિંગમાં 78 કેચ અને 15 સ્ટમ્પિંગ પણ કર્યા છે.