ભારતની સુપરસ્ટાર બેટ્સમેન સ્મૃતિ મંધાના ફરી ઇતિહાસ રચશે. હાલમાં સ્મૃતિ મંધાના શ્રીલંકા સામે T20મેચમાં શાનદાર પ્રદર્શન કરી રહી છે. સ્મૃતિ મંધાનાએ તાજેતરમાં 10,000 રન પૂરા કરતા આંતરરાષ્ટ્રીય ક્રિકેટમાં મોટી સિદ્ધિ મેળવી હતી. મિતાલી રાજ પછી આ સિદ્ધિ મેળવનારી સ્મૃતિ મંધાના બીજી ભારતીય છે. હાલમાં ફરી ભારતીય મહિલા ક્રિકેટ ટીમની આ સ્ટાર ઓપનર પાસે વર્ષના અંત પહેલા શુભમન ગિલને પાછળ છોડીને ઇતિહાસ રચવાની સુવર્ણ તક છે. સ્મૃતિએ આ વર્ષ 2025 માં ત્રણેય ફોર્મેટમાં કુલ 1,703 આંતરરાષ્ટ્રીય રન બનાવ્યા છે.
સ્મૃતિ મંધાના ફરી રચશે ઇતિહાસ
સ્મૃતિ મંધાના 2025 માં પોતાની બેટિંગથી નવા રેકોર્ડ બનાવવાની નજીક છે. ભારતીય ઓપનરે આ કેલેન્ડર વર્ષમાં તમામ ફોર્મેટમાં 1,703 રન બનાવ્યા છે, જે એક જ વર્ષમાં કોઈપણ મહિલા દ્વારા સૌથી વધુ છે. તેને 2025 માં પુરુષ અને મહિલા આંતરરાષ્ટ્રીય ક્રિકેટમાં સૌથી વધુ રન બનાવનાર ખેલાડી બનવા માટે 62 વધુ રનની જરૂર છે, જે શુભમન ગિલના કુલ 1,764 રનને પાછળ છોડી દેશે. આ સિઝનમાં ભારત મહિલા ટીમના પરિણામોમાં ટોચના ક્રમે મંધાનાના રન-સ્કોરિંગે મુખ્ય ભૂમિકા ભજવી છે. સ્મૃતિએ ટીમ માટે ઇનિંગ્સ સેટ કરતી વખતે વિવિધ ફોર્મેટ અને પરિસ્થિતિઓમાં રન બનાવ્યા છે.
