ન્યુ સાઉથ વેલ્સે એક મોટી જાહેરાત કરી છે,જેમાં ભૂતપૂર્વ વિકેટકીપર બ્રેડ હેડિનને તેના નવા મુખ્ય કોચ તરીકે નિયુક્ત કરવામાં આવ્યા છે.ન્યુ સાઉથ વેલ્સ સીઝન સમાપ્ત થયાના 24 કલાકની અંદર નવા મુખ્ય કોચની જાહેરાત કરવામાં આવી હતી.સીઝનની અંતિમ મેચ દરમિયાન સહાયક કોચને દૂર કરવામાં આવ્યા હતા.ઓસ્ટ્રેલિયા માટે નોંધપાત્ર ક્રિકેટ રમનાર હેડિન 66 ટેસ્ટ,126 વનડે અને 34 ટી20 મેચ રમી ચૂક્યો છે.હેડિન ગ્રેગ શિપર્ડનું સ્થાન લે છે,જેમને જાન્યુઆરીમાં ટીમમાંથી બહાર કરવામાં આવ્યા હતા.
ન્યૂ સાઉથ વેલ્સનું શેફિલ્ડ શીલ્ડમાં ખરાબ પ્રદર્શન
શેફિલ્ડ શીલ્ડમાં ટીમના નબળા પ્રદર્શન બાદ બ્રેડ હેડિનને ન્યૂ સાઉથ વેલ્સના કોચ તરીકે નિયુક્ત કરવામાં આવ્યા છે.ન્યૂ સાઉથ વેલ્સની અંતિમ મેચ ડ્રોમાં સમાપ્ત થઈ,જે પાંચમા સ્થાને રહી.પશ્ચિમ ઓસ્ટ્રેલિયા સામે 9 વિકેટથી હાર્યા બાદ ન્યૂ સાઉથ વેલ્સ ટુર્નામેન્ટમાંથી બહાર થઈ ગયું.વધુમાં,ન્યૂ સાઉથ વેલ્સના ઓછા ખેલાડીઓ ઓસ્ટ્રેલિયન ટીમમાં જોડાઈ રહ્યા છે.જેના કારણે ટીમના સંગઠનને એવું માનવું પડી રહ્યું છે કે રાજ્યમાં પ્રતિભા વિકાસ પહેલાની જેમ સારી રીતે આગળ વધી રહ્યો નથી.
