T20I વર્લ્ડ કપ 2026 આવતા વર્ષે 7 ફેબ્રુઆરીથી શરૂ થવાનો છે.ટીમની જાહેરાત પહેલાથી જ શરૂ થઈ ગઈ છે.જોકે હજુ પણ સમય છે.પરંતુ કેટલાક ખેલાડીઓ ઈજાને કારણે બહાર થઈ શકે છે.ઓસ્ટ્રેલિયાના દિગ્ગજ ખેલાડી પેટ કમિન્સ વિશે હવે સમાચાર આવી રહ્યા છે. તે પણ T20 વર્લ્ડ કપ માંથી બહાર થઈ શકે છે.
પેટ કમિન્સની T20 વર્લ્ડ કપમાં રમવાને લઈ સસ્પેન્સ
T20 વર્લ્ડ કપ 2026 માં ભારત અને શ્રીલંકા દ્વારા સંયુક્ત રીતે યોજાવાનો છે.શેડ્યૂલ પહેલાથી જ જાહેર કરવામાં આવ્યું છે.ટુર્નામેન્ટ માટે ભારતીય ટીમની જાહેરાત કરવામાં આવી છે.પરંતુ ઓસ્ટ્રેલિયાની ટીમ હજુ સુધી જાહેર કરવામાં આવી નથી.દરમિયાન એવા અહેવાલો સામે આવી રહ્યા છે કે ઓસ્ટ્રેલિયાના ટેસ્ટ કેપ્ટન પેટ કમિન્સ ટુર્નામેન્ટમાંથી બહાર થઈ શકે છે.હાલમાં ઓસ્ટ્રેલિયામાં એશિઝ સીરિઝ ચાલી રહી છે.પેટ કમિન્સ પ્રથમ બે ટેસ્ટમાં ચૂકી ગયો હતો,જેમાં સ્ટીવ સ્મિથે કેપ્ટનશીપ સંભાળી હતી.ત્યારબાદ તે ત્રીજી મેચમાં કેપ્ટન તરીકે પાછો ફર્યો અને શાનદાર બોલિંગ કરી.જોકે તે હવે છેલ્લી બે ટેસ્ટમાંથી બહાર છે.જ્યાં સ્ટીવ સ્મિથ ફરી એકવાર કેપ્ટનશીપ સંભાળશે.
