- આજે સુપર-4માં ભારત-શ્રીલંકા વચ્ચે મેચ રમાશે
- આર પ્રેમાદાસ સ્ટેડિયમમાં 3 વાગ્યે શરુ થશે મેચ
- મેચ દરમિયાન વરસાદ આવવાની શક્યતાઓ છે
ભારતીય ટીમ આજે એટલે કે મંગળવારે કોલંબોના આર પ્રેમદાસા સ્ટેડિયમમાં શ્રીલંકા સામે ટકરાશે. ટીમ ઈન્ડિયાએ છેલ્લી મેચમાં પાકિસ્તાનને હરાવ્યું હતું જ્યારે શ્રીલંકાએ બાંગ્લાદેશને હરાવ્યું હતું. જો કે શ્રીલંકા અને ભારત વચ્ચે પહેલો મુકાબલો છે. ભારતીય ટીમે એશિયા કપ (એશિયા કપ-2023) ના સુપર-4 રાઉન્ડમાં પાકિસ્તાનને હરાવીને વિજય સાથે શરૂઆત કરી. ટીમ ઈન્ડિયા હવે ડિફેન્ડિંગ ચેમ્પિયન શ્રીલંકા સામે ટકરાશે. વાત કરીએ કોલંબોના હવામાનને લઈને એક મોટું અપડેટ આવ્યું છે.
ભારતની શાનદાર જીત
કોલંબોના આર પ્રેમદાસા સ્ટેડિયમમાં સોમવારે રમાયેલી એશિયા કપ-2023ના સુપર-4 રાઉન્ડની મેચમાં ટીમ ઈન્ડિયાએ પાકિસ્તાનને 228 રનથી ખરાબ રીતે હરાવ્યું હતું. પાકિસ્તાન સામેની વનડેમાં રનના મામલે ભારતની આ સૌથી મોટી જીત છે. રિઝર્વ ડે સુધી ચાલેલી આ મેચમાં ભારતે વિરાટ કોહલી (અણનમ 122) અને કેએલ રાહુલ (111 અણનમ)ની સદીના આધારે 2 વિકેટ ગુમાવીને 356 રનનો વિશાળ સ્કોર બનાવ્યો હતો. આ પછી બાબર આઝમની કેપ્ટન્સીવાળી ટીમ 32 ઓવરમાં માત્ર 128 રન બનાવીને આઉટ થઈ ગઈ હતી.
હવે શ્રીલંકા સાથે ટકરાશે
ભારતીય ટીમે હવે કોલંબોના આર પ્રેમદાસા સ્ટેડિયમમાં જ શ્રીલંકાનો સામનો કરવાનો છે. શ્રીલંકાએ સુપર-4 રાઉન્ડની તેની અગાઉની મેચમાં બાંગ્લાદેશને 21 રને હરાવ્યું હતું. ભારતે પાકિસ્તાનને પણ હરાવ્યું હતું. હવે આવી સ્થિતિમાં બંને ટીમો આત્મવિશ્વાસ સાથે મેદાનમાં ઉતરશે. જે પણ ટીમ આ મેચ જીતશે તે ફાઈનલમાં તેનું સ્થાન લગભગ નિશ્ચિત કરી દેશે. આ પછી શ્રીલંકાનો મુકાબલો 14 સપ્ટેમ્બરે પાકિસ્તાન સામે થશે જ્યારે ભારતનો મુકાબલો 15 સપ્ટેમ્બરે બાંગ્લાદેશ સામે થશે.
હવામાન કેવું રહેશે?
કોલંબોમાં રમાયેલી ભારત-પાકિસ્તાન મેચમાં વરસાદની રમત પર ઘણી અસર થઈ હતી. આ મેચ રિઝર્વ ડે સુધી ખેંચાઈ અને પરિણામ 2 દિવસમાં આવી ગયું. ભારત અને શ્રીલંકા મેચમાં કોઈ રિઝર્વ ડે નથી. જો મેચ વરસાદના કારણે ધોવાઇ જાય છે, તો બંને ટીમોએ 1-1 પોઇન્ટ વહેંચવો પડશે. Accuweather ના હવામાન અહેવાલ વિશે વાત કરીએ તો, 2 થી 4 વાગ્યા સુધી વરસાદની શક્યતા ઓછી છે. સાંજે 4 થી 7 વાગ્યા સુધી વરસાદની સંભાવના 50 ટકા સુધી છે. સાથે જ રાત્રે 10 વાગ્યાથી સતત વરસાદની આગાહી કરવામાં આવી છે.
કઈ ટીમ ફાઇનલમાં પહોંચશે?
ભારત અને શ્રીલંકા વચ્ચેની મેચ વરસાદને કારણે ધોવાઈ જાય તો પણ ભારતનું ફાઇનલમાં પહોંચવું લગભગ નિશ્ચિત બની જશે. ભારતીય ટીમ અત્યારે 1 મેચમાં 2 પોઈન્ટ સાથે પોઈન્ટ ટેબલમાં ટોપ પર છે. શ્રીલંકા અને પાકિસ્તાનના 2-2 પોઈન્ટ છે. શ્રીલંકા નંબર-2 પર છે જ્યારે પાકિસ્તાન ત્રીજા નંબર પર છે. બાંગ્લાદેશનું ખાતું હજુ ખોલાયું નથી.
