મેથ્યુ હેડને ગણાવી પાકિસ્તાનની ટીમને 'ડાર્ક હોર્સ', જાણો શું છે તેનો મતલબ

• T20 વર્લ્ડકપ 2024ની શરૂઆત 01 જૂનથી શરૂ થશે
  
• ટૂનામેન્ટ અમેરિકા અને વેસ્ટે ઈન્ડિઝમાં સંયુક્ત રીતે યોજાશે
• મેથ્યુ હેડને પાકિસ્તાન ટીમને 'ડાર્ક હોર્સ' ગણાવી છે

T20 વર્લ્ડકપ 2024 હવે દૂર નથી. ટૂર્નામેન્ટ 01 જૂનથી શરૂ થશે, પરંતુ અમેરિકાના સમયમાં તફાવતને કારણે ભારતમાં ટૂર્નામેન્ટ 02 જૂનથી શરૂ થશે. વર્લ્ડકપ શરૂ થાય તે પહેલા જ ક્રિકેટ નિષ્ણાતો અને દિગ્ગજો પોતાની આગાહીઓ કરવા લાગ્યા છે. પાકિસ્તાન ક્રિકેટ ટીમના પૂર્વ બેટિંગ કોચ અને મેન્ટર મેથ્યુ હેડને મોટો દાવો કર્યો છે.

ઓસ્ટ્રેલિયાના પૂર્વ બેટ્સમેન મેથ્યુ હેડન T20 વર્લ્ડકપ 2022માં પાકિસ્તાનના મેન્ટર બન્યા હતા. આ પહેલા તે T20 વર્લ્ડકપ 2021માં પાકિસ્તાન ટીમનો બેટિંગ કોચ હતો. હવે T20 વર્લ્ડકપ 2024 પહેલા, હેડને પાકિસ્તાનને 'ડાર્ક હોર્સ' ગણાવ્યું, જેનો અર્થ અણધાર્યો વિજેતા છે.

પાકિસ્તાન ટીમ 'ડાર્ક હોર્સ'

એક અહેવાલ મુજબ, મેથ્યુ હેડને કહ્યું, "જ્યારે વર્લ્ડકપની વાત આવે છે ત્યારે પાકિસ્તાન હંમેશા ડાર્ક હોર્સ રહ્યું છે. શાહીન આફ્રિદી અને નસીમ શાહ સાથે તેમનો ઝડપી બોલિંગ ખતરનાક થઈ જાય છે, જેઓ ગયા વર્લ્ડકપમાં ઉપલબ્ધ નહોતા. મોહમ્મદ આમિર અને હરિસ રઉફ સાથે મળીને તે પેસ એટેકને મજબૂત બનાવે છે. હેડને વધુમાં કહ્યું, "બાબર આઝમ, મોહમ્મદ રિઝવાન અને ફખર ઝમાન ત્રણ મોટા ખેલાડીઓ છે. ફિલ્ડિંગ હંમેશા તેમનો સૌથી મોટો પડકાર રહેશે. આશા છે કે આ વર્ષે તે તેમના પ્રદર્શનને બગાડે નહીં. તેઓ એક મજબૂત ટીમ છે અને દેખીતી રીતે T20 વર્લ્ડકપ 2024 જીતી શકે છે."

પાકિસ્તાન T20 વર્લ્ડકપ 2022 માં રનર-અપ હતું

નોંધનીય છે કે ઓસ્ટ્રેલિયામાં રમાયેલા T20 વર્લ્ડકપ 2022માં પાકિસ્તાનને ફાઇનલમાં હારનો સામનો કરવો પડ્યો હતો, ત્યારબાદ ટીમ રનર અપ બની હતી. ટુર્નામેન્ટની ફાઈનલ મેચ ઈંગ્લેન્ડ અને પાકિસ્તાન વચ્ચે રમાઈ હતી. ઈંગ્લેન્ડે પાંચ વિકેટે મેચ જીતીને ટ્રોફી જીતી લીધી હતી. આવી સ્થિતિમાં પાકિસ્તાન આ ટૂર્નામેન્ટમાં ક્યાં સુધી પહોંચે છે તે જોવું રસપ્રદ રહેશે.