- પાકિસ્તાનના પૂર્વ કેપ્ટન મિસ્બાહ ઉલ હકે મોટું નિવેદન
- કોઈ કોચ PCB સાથે કામ કરવા તૈયાર નથી- મિસ્બાહ
- PCBએ લાંબા ગાળાનું આયોજન કરવાની જરૂર
પાકિસ્તાન ક્રિકેટ ટીમની હાલત ખરાબથી ખરાબ થઈ રહી છે. પાકિસ્તાનની ટીમમાં કોઈને કોઈ મુદ્દાને લઈને સતત વિવાદ ચાલી રહ્યો છે. જ્યારથી ICC વર્લ્ડકપ 2023માં પાકિસ્તાનને એકતરફી હારનો સામનો કરવો પડ્યો છે ત્યારથી પાકિસ્તાનમાં ઉતાર-ચઢાવ શરૂ થઈ ગયા છે. પાકિસ્તાનના પૂર્વ કેપ્ટન મિસ્બાહ ઉલ હકે મોટું નિવેદન આપ્યું છે. મિસ્બાહે કહ્યું કે વિદેશી કોચની વાત તો છોડો, પાકિસ્તાનનો એક કોચ પણ પાકિસ્તાન બોર્ડ સાથે કામ કરવા નથી માંગતો.
'લાંબા ગાળાના આયોજનની જરૂર'
મિસ્બાહે પાકિસ્તાન ક્રિકેટના ભવિષ્ય અંગે ચિંતા વ્યક્ત કરી છે. તેણે કહ્યું કે પીસીબીમાં લાંબા ગાળાને ધ્યાનમાં રાખીને કોઈ નિર્ણય લેવામાં આવી રહ્યો નથી. તમામ નિર્ણયો એવા લેવામાં આવી રહ્યા છે જે તાત્કાલિક છે. આવી સ્થિતિમાં પાકિસ્તાન ક્રિકેટનું ભવિષ્ય જોખમમાં હોય તેવું લાગી રહ્યું છે. અમારે અમારા બોર્ડમાં ખેલાડીઓ, મેનેજમેન્ટ અને પસંદગીકારોને તૈયાર કરવાની જરૂર છે. આ માટે આપણે લાંબાગાળાનું આયોજન કરવું પડશે. બોર્ડમાં એક પછી એક ઘણા ફેરફારો જોવા મળી રહ્યા છે, આ ટીમ માટે સારું નથી.
NOC વિવાદ પર મિસ્બાહ બોલ્યા
મિસ્બાહે કહ્યું કે અમારી ટીમને સુધારવા માટે અમારે અન્ય ટીમોને જોવાની અને શીખવાની જરૂર છે. જ્યાં સુધી અમે આ ફેરબદલની સિસ્ટમ છોડીશું નહીં ત્યાં સુધી પાકિસ્તાનની ટીમમાં કોઈ ફેરફાર થઈ શકશે નહીં. જેની સીધી અસર T20 વર્લ્ડકપ 2024 પર પડશે. પાકિસ્તાનની સ્થિતિ પણ વેસ્ટ ઈન્ડિઝ જેવી થઈ ગઈ છે, પરંતુ આપણે વધુ સારા બનવાની જરૂર છે. તો જ આપણે સફળ ટીમ સાથે સ્પર્ધા કરી શકીશું.
મિસ્બાહે પાકિસ્તાનમાં ચાલી રહેલા ONOC વિવાદ પર પણ નિવેદન આપ્યું છે. તેણે કહ્યું કે જો કોઈ ખેલાડીને વર્લ્ડકપ પછી 2 મહિનાનો બ્રેક મળી રહ્યો છે તો તેને વિદેશી લીગ રમીને પૈસા કમાવવાની તક મળવી જોઈએ. આમાં કશું ખોટું નથી. ભલે વર્લ્ડકપ નજીક હોય ત્યારે ખેલાડીઓને એનઓસી ન મળવી જોઈએ.
