- પેરિસ ઓલિમ્પિક્સ 2024 26 જુલાઈથી થઈ શરૂઆત
- અત્યાર સુધીમાં 5 દેશોએ કુલ 6 મેડલ જીત્યા હતા
- પેરિસ ઓલિમ્પિક 2024માં પહેલો ગોલ્ડ મેડલ ચીનને મળ્યો
પેરિસ ઓલિમ્પિક્સ 2024ની સત્તાવાર રીતે શરૂઆત 26 જુલાઈના રોજ ઓપનિંગ સેરેમની સાથે કરવામાં આવી છે. 19 દિવસ સુધી ચાલનારી આ રમતના 'મહાકુંભ'માં 32 રમતોમાં કુલ 329 મેડલ ઈવેન્ટ્સ રમાશે. પુરૂષો માટે 157, મહિલાઓ માટે 152 અને ટીમો માટે 20 ઈવેન્ટ્સ યોજાશે. આ સમયગાળા દરમિયાન, લગભગ 1000 મેડલ દાવ પર હશે, જેના માટે 206 દેશો અને 10 હજારથી વધુ ખેલાડીઓ મેડલ માટે સ્પર્ધા કરવાના છે. ૃ
ચીને પહેલો ગોલ્ડ જીત્યો હતો
પેરિસ ઓલિમ્પિક 2024ની મેડલ ટેલીમાં અત્યાર સુધીમાં 5 દેશોએ કુલ 6 મેડલ જીત્યા છે. કઝાકિસ્તાને પહેલો મેડલ જીત્યો હતો. તેણે 10 મીટર એર રાઈફલ મિક્સ્ડ ટીમ ઈવેન્ટમાં આ મેડલ જીત્યો હતો. આ ઈવેન્ટમાં કઝાકિસ્તાને જર્મનીને 17-5ના માર્જીનથી હરાવીને બ્રોન્ઝ મેડલ જીત્યો હતો. પેરિસ ઓલિમ્પિક 2024માં પહેલો ગોલ્ડ મેડલ ચીને જીત્યો હતો. ચીને 10 મીટર એર રાઈફલની ટીમ ઈવેન્ટમાં મેડલ જીત્યો હતો. હુઆંગ યુટિંગ અને શેંગ લિહાઓની જોડીએ દક્ષિણ કોરિયાની જોડીને હરાવી હતી. ચીને અત્યાર સુધીમાં કુલ 2 મેડલ જીત્યા છે અને તે બંને ગોલ્ડ મેડલ છે. તેણે મહિલા ડાઇવિંગ સિંક્રોનાઇઝ્ડ 3 મીટર સ્પ્રિંગબોર્ડ ઇવેન્ટમાં તેનો બીજો ગોલ્ડ જીત્યો હતો.
આ દેશોએ મેડલ જીત્યા
ચીન અને કઝાકિસ્તાન સહિત અમેરિકા, રિપબ્લિક ઓફ કોરિયા અને ગ્રેટ બ્રિટને એક-એક મેડલ જીત્યા છે. કોરિયાએ 10 મીટર એર રાઈફલ મિક્સ્ડ ટીમ ઈવેન્ટમાં સિલ્વર મેડલ જીત્યો, જ્યારે અમેરિકાએ મહિલાઓની સિંક્રોનાઈઝ્ડ 3 મીટર સ્પ્રિંગબોર્ડ ઈવેન્ટમાં સિલ્વર મેડલ જીત્યો અને બ્રિટને એ જ ઈવેન્ટમાં બ્રોન્ઝ મેડલ જીત્યો હતો.
