- નીરજ ચોપરાએ ફરી એકવાર ભાલા ફેંકમાં પોતાની તાકાત બતાવી છે
- તેણે પોતાનો પહેલો થ્રો 89.34 મીટરના અંતરે ફેંક્યો હતો
- આ તેનો આ સિઝનનો સર્વશ્રેષ્ઠ થ્રો છે
નીરજ ચોપરાએ ફરી એકવાર ભાલા ફેંકમાં પોતાની તાકાત બતાવી છે. તેને પોતાનો પહેલો થ્રો 89.34 મીટરના અંતરે ફેંક્યો હતો. નીરજ ચોપરાએ ટોક્યો ઓલિમ્પિકમાં 87.58ના અંતરે ફેંક્યો હતો તે આ સિઝનનો તેનો સર્વશ્રેષ્ઠ થ્રો છે. આ દરમિયાન તેણે ગોલ્ડ મેડલ જીત્યો હતો.
ભારતીય એથ્લેટિક્સ માટે ઘણા રેકોર્ડ બનાવનાર નીરજ ચોપરા તેની બીજી ઓલિમ્પિકમાં તેના ભાલા વડે ફરી એકવાર ઈતિહાસ રચવા માંગે છે કારણ કે ભારતીયો ફરી એકવાર તેની પાસેથી ગોલ્ડ મેડલની આશા રાખી રહ્યા છે.
બે ગોલ્ડ મેડલ જીતનાર પહેલો ભારતીય બનશે
જો ચોપરા ગોલ્ડ જીતશે તો તે ઓલિમ્પિક ઈતિહાસમાં આ ખિતાબ જાળવી રાખનાર પાંચમો ખેલાડી બની જશે. આ સાથે તે ઓલિમ્પિક વ્યક્તિગત કેટેગરીમાં બે ગોલ્ડ મેડલ જીતનાર પ્રથમ ભારતીય પણ બની જશે. ઓલિમ્પિક પુરૂષોના ભાલા ફેંકમાં અત્યાર સુધી એરિક લેમિંગ (સ્વીડન 1908 અને 1912), જોન્ની માયરા (ફિનલેન્ડ 1920 અને 1924), નીરજ ચોપરાના આદર્શ જોન ઝેલેન્જી (ચેક રિપબ્લિક 1992 અને 1996) અને આન્દ્રીયાસ ટી (નોર્વે 2004 અને સી 2004)નો સમાવેશ થાય છે.
નીરજ ચોપરાના માતા-પિતા
નીરજ ચોપરાનો જન્મ 24 ડિસેમ્બર 1997ના રોજ હરિયાણાના પાણીપત જિલ્લાના ખંડરા ગામમાં થયો હતો. તેમના પિતા સતીશ કુમાર એક સામાન્ય ખેડૂત છે જ્યારે તેમની માતા સરોજ દેવી ગૃહિણી છે.
વધારે વજને તેનું બદલી નાખ્યું જીવન
નીરજ ચોપરા બાળપણમાં ખૂબ જ વધારે વજન ધરાવતો હતો. 11 વર્ષની ઉંમરે તેનું વજન લગભગ 90 કિલો હતું. તેનું વજન ઓછું કરવા અને તેને એક્ટિવ રાખવા માટે, તેના પિતા સતીશ કુમારે તેને નજીકના મડલૌડા શહેરમાં એક જીમમાં દાખલ કરાવ્યો. પરંતુ જીમમાં સૌથી નાનો હોવાને કારણે, નીરજ ચોપરાને ઘણીવાર એવા સાધનો સાથે કામ કરવું પડતું હતું જેનો જીમમાં અન્ય લોકો ઉપયોગ કરતા ન હતા. આ કારણે તે જીમના રેગ્યુલર શેડ્યુલથી ખુશ ન હતો.
જ્યારે તેણે ઘરે આ વિશે કહ્યું, ત્યારે તેના માતાપિતાએ તેને ટેકો આપ્યો અને વૈકલ્પિક શારીરિક પ્રવૃત્તિની શોધ શરૂ થઈ. આ સમયે નીરજ તેના પિતા સાથે પાણીપતના શિવાજી સ્ટેડિયમ જોવા ગયો હતો જેણે તેનું જીવન બદલી નાખ્યું હતું.
આ રીતે શરુ થઈ સફર
તેના ભારે વજનને કારણે નીરજને દોડવાનો બહુ શોખ ન હતો. પરંતુ, ત્યાં તેણે જોયું કે કેટલાક ભારે લોકો ભાલા ફેંકવાની પ્રેક્ટિસ કરી રહ્યા હતા અને તે રમતમાં ભાગ લેવાની તૈયારી કરી રહ્યા હતા. અહીંથી નીરજ ચોપરાને પ્રેરણા મળી અને આ રીતે ઓલિમ્પિક ચેમ્પિયન જેવલિન થ્રોઅરની ભાલા ફેંકની સફર શરૂ થઈ.
ભારતીય સૈન્યમાં જુનિયર કમિશન્ડ ઓફિસર છે નીરજ ચોપરા
વર્ષ 2017 માં નીરજને ભારતીય સેનામાં નોકરી મળ્યા પછી ચોપરા પરિવારને મોટી રાહત મળી કારણ કે તેમના પરિવાર માટે નિયમિત અને સ્થિર આવક ખૂબ મહત્વની હતી. ભારતીય સૈન્યમાં જુનિયર કમિશન્ડ ઓફિસર બન્યા બાદ નીરજ ચોપરાએ કહ્યું હતું કે "અમે ખેડૂતો છીએ. પરિવારમાં કોઈને સરકારી નોકરી નથી અને મારો પરિવાર ખૂબ જ મુશ્કેલીમાં મને ટેકો આપી રહ્યો છે. પરંતુ હવે આ એક મોટી રાહત છે." હું મારી તાલીમ ચાલુ રાખીને મારા પરિવારને આર્થિક રીતે મદદ કરી શકીશ."
