- PCBએ નવી સિલેક્શન કમિટીની જાહેરાત કરી છે
- મોહમ્મદ યુસુફ અને અસદ શફીક પોતાનું સ્થાન જાળવી રાખ્યું
- બાંગ્લાદેશ સામેની ટેસ્ટ સિરીઝ માટે ટીમની પસંદગી કરશે
T20 વર્લ્ડકપ 2024માં બાબર આઝમની કેપ્ટનશીપ હેઠળની પાકિસ્તાની ટીમના ખરાબ પ્રદર્શન બાદ તેને સતત ટીકાઓનો સામનો કરવો પડ્યો હતો. હવે છેલ્લા કેટલાક દિવસોમાં PCBએ પાકિસ્તાની ટીમને સુધારવા માટે પગલાં લેવાનું શરૂ કર્યું છે. હકીકતમાં ICCની છેલ્લી બે ઈવેન્ટમાં પાકિસ્તાની ટીમ પાસેથી જે પ્રદર્શનની અપેક્ષા રાખવામાં આવી હતી તેનાથી તદ્દન વિપરીત પરિણામો આવ્યા હતા.
આવી સ્થિતિમાં, આગામી વર્ષની ચેમ્પિયન્સ ટ્રોફી પહેલા, PCB ટીમમાં મોટા સુધારા કરવા નિર્ણય લઈ રહી છે જેથી ટીમ વધુ સારું પ્રદર્શન કરી શકે. બાંગ્લાદેશ સામેની સિરીઝ પહેલા પાકિસ્તાન ટીમની નવી સિલેક્શન કમિટીની પણ જાહેરાત કરવામાં આવી છે, જેમાં અગાઉની પસંદગી સમિતિનો ભાગ રહેલા મોહમ્મદ યુસુફ અને અસદ શફીક પોતાનું સ્થાન જાળવી રાખવામાં સફળ રહ્યા છે.
વહાબ રિયાઝ અને રઝાકની હકાલપટ્ટી
PCB દ્વારા જાહેર કરવામાં આવેલી નવી રાષ્ટ્રીય પસંદગી સમિતિમાં ભૂતપૂર્વ ખેલાડીઓ મોહમ્મદ યુસુફ અને અસદ શફીક ઉપરાંત મર્યાદિત ઓવરોની ટીમના કોચ અને કેપ્ટનની સાથે ટેસ્ટ ટીમના કોચ અને કેપ્ટન પણ તેનો ભાગ હશે. આ સાથે 5 વધુ સભ્યોની પસંદગી કરવામાં આવી છે જેમાં પાકિસ્તાન ટીમના સહાયક કોચ અઝહર મહમૂદનો સમાવેશ થાય છે. હાઈ પરફોર્મન્સના નિર્દેશક નદીમ ખાન અને આંતરરાષ્ટ્રીય ક્રિકેટના ડિરેક્ટર ઉસ્માન વહલા અને મેનેજમેન્ટ એનાલિટિક્સ હસન ચીમાને સ્થાન મળ્યું છે. જ્યારે વહાબ રિયાઝ અને અબ્દુલ રઝાકની હકાલપટ્ટી કરવામાં આવી છે.
આ સિરીઝ માટે ટીમની પસંદગી કરશે
PCB દ્વારા જાહેર કરવામાં આવેલી નવી પસંદગી સમિતિ બાંગ્લાદેશ સામેની ટેસ્ટ સિરીઝ માટે ટીમની પસંદગી કરશે જે આવતા મહિને પાકિસ્તાનનો પ્રવાસ કરશે. અગાઉ PCBએ શાન મસૂદને ટેસ્ટ કેપ્ટન તરીકે જાળવી રાખવાનો નિર્ણય લીધો હતો, પરંતુ બાબર આઝમને કેપ્ટન તરીકે જાળવી રાખવા કે નહીં તે અંગે તે પછીથી નિર્ણય લેશે.
