- પ્રથમ મેચ અમેરિકા અને કેનેડા વચ્ચે
- 4 ખેલાડીઓ ઓપનિંગમાં મેચને એકતરફી કરશે
- બોલર્સને હંફાવવામાં માહિર છે આ 4 ખેલાડીઓ
ટી20 વર્લ્ડ કપ 2024 વેસ્ટ ઈન્ડિઝ અને અમેરિકામાં રમાશે. ટૂર્નામેન્ટ આજથી એટલે કે 2 જૂનથી શરૂ થશે. પ્રથમ મેચ અમેરિકા અને કેનેડા વચ્ચે રમાવાની છે. આવી સ્થિતિમાં તમામ ટીમો પોતાના ખેલાડીઓ સાથે તૈયાર છે. મેચની સારી શરૂઆત સારી ઓપનિંગ ભાગીદારીથી થાય છે અને મજા ત્યારે આવે છે જ્યારે આ ઓપનરો પાવરપ્લેમાં વિસ્ફોટક બેટિંગ કરીને મેચને એકતરફી બનાવી દે છે. આવી સ્થિતિમાં, આ વખતે પણ ટી-20 વર્લ્ડ કપમાં આવી ચાર ઓપનિંગ જોડી રમશે, જે પોતાની ભાગીદારીથી મેચને એકતરફી બનાવી શકે છે.
આ 4 ઓપનર મેચને એકતરફી બનાવી શકે છે
આંતરરાષ્ટ્રીય ક્રિકેટમાં કેટલાક એવા ઓપનર છે જે બોલરો માટે માથાનો દુઃખાવો બની જાય છે. તેઓ મેદાન પર એવી રીતે સ્થાયી થાય છે કે જ્યાં સુધી તેઓ મેચ નહીં જીતે ત્યાં સુધી તેઓ રાહતનો શ્વાસ લેશે નહીં. ઘણી વખત આ ઓપનરો પાવરપ્લેમાં એવી રીતે બેટિંગ કરે છે કે મિડલ ઓર્ડરને વધારે મહેનત કરવી પડતી નથી. ચાલો જાણીએ કોણ છે તે ચાર શક્તિશાળી ઓપનિંગ જોડી.
ફિલ સોલ્ટ અને જોસ બટલર
પાકિસ્તાન સામેની તાજેતરની મેચમાં સોલ્ટ અને બટલરે માત્ર 38 બોલમાં 82 રનની ભાગીદારી કરી અને ટીમને 158 રનના સરળ લક્ષ્યાંકને હાંસલ કરવામાં મદદ કરી. 9 T20 ઇન્ટરનેશનલ ઇનિંગ્સમાં એકસાથે આ જોડીએ 61.55ની એવરેજથી 554 રન બનાવ્યા છે, જેમાં ડિસેમ્બર 2023માં વેસ્ટ ઇન્ડિઝ સામે 117 રનની શ્રેષ્ઠ ભાગીદારીનો સમાવેશ થાય છે.
ડેવિડ વોર્નર અને ટ્રેવિસ હેડ
ડેવિડ વોર્નર અને ટ્રેવિસ હેડ વર્લ્ડ કપ 2023ના નોકઆઉટ સ્ટેજમાં ઓપનિંગ કરતા જોવા મળ્યા હતા. આ વર્ષે બંને ન્યુઝીલેન્ડ સામેની ટી20 સીરીઝમાં સાથે બેટિંગ કરવા આવ્યા હતા. વર્લ્ડકપ 2023ની સેમી ફાઈનલ મેચમાં આ જોડીએ માત્ર 37 બોલમાં 60 રન બનાવ્યા હતા.
બ્રાન્ડન કિંગ અને જોન્સન ચાર્લ્સ
બ્રાન્ડન કિંગ અને જોન્સન ચાર્લ્સ વેસ્ટ ઈન્ડિઝ માટે ઉત્તમ અને મજબૂત ઓપનર સાબિત થઈ શકે છે. બ્રાન્ડન કિંગે તેની 50 આંતરરાષ્ટ્રીય ટી20 મેચોમાં 134.9ના સ્ટ્રાઈક રેટથી 1309 રન બનાવ્યા છે. જેમાં 10 અડધી સદી સામેલ છે. તેનો સર્વશ્રેષ્ઠ સ્કોર અણનમ 85 રન છે. જ્યારે જ્હોન્સન ચાર્લ્સે 51 આંતરરાષ્ટ્રીય T20 મેચમાં 133.7ના સ્ટ્રાઈક રેટથી 1162 રન બનાવ્યા છે. જેમાં પાંચ અડધી સદી અને એક સદી સામેલ છે. જોન્સન ચાર્લ્સનો સર્વશ્રેષ્ઠ સ્કોર 118 રન છે.
રોહિત શર્મા અને યશસ્વી જયસ્વાલ
T20 વર્લ્ડ કપમાં શ્રેષ્ઠ ઓપનિંગ જોડીમાંથી એક રોહિત શર્મા અને યશસ્વી જયસ્વાલે ટેસ્ટ મેચોમાં 61.25ની એવરેજથી 980 રન ઉમેર્યા છે. છેલ્લી ત્રણ T20 આંતરરાષ્ટ્રીય મેચોમાં જયસ્વાલે 132 રન બનાવ્યા છે, જ્યારે રોહિતે 121 રન બનાવ્યા છે.
