- ટીમ ઈન્ડિયાએ 17 વર્ષ બાદ T20 વર્લ્ડકપનો ખિતાબ જીત્યો
- રવિન્દ્ર જાડેજાએ પણ T20Iમાંથી નિવૃત્તિ જાહેર કરી હતી
- જાડેજા 17 વર્ષના હતા ત્યારે તેમની માતાનું અવસાન થયું હતું
ટીમ ઈન્ડિયાએ T20 વર્લ્ડકપ જીતીને કરોડો ભારતીયોનું સપનું પૂરું કર્યું હતું. તે દરેક માટે ભાવનાત્મક ક્ષણ હતી. સ્ટાર ઓલરાઉન્ડર હાર્દિક પંડ્યા રડવા લાગ્યો હતો. તે જ સમયે, આ વિજય પછી ત્રણ સ્ટાર ખેલાડીઓની એક સાથે નિવૃત્તિએ પણ આશ્ચર્યચકિત કર્યા હતા. પહેલા વિરાટ કોહલી, પછી રોહિત શર્મા અને બીજા દિવસે સવારે રવિન્દ્ર જાડેજાએ પણ T20Iમાંથી નિવૃત્તિ જાહેર કરી હતી. જાડેજાને હવે આ જીત માટે એક ખાસ વ્યક્તિ યાદ આવી છે.
સ્વર્ગસ્થ માતાને ભાવુક શ્રદ્ધાંજલિ આપી
ભારતીય ઓલરાઉન્ડર રવિન્દ્ર જાડેજાએ મંગળવારે તેની સ્વર્ગસ્થ માતાને ભાવુક શ્રદ્ધાંજલિ આપી હતી. જાડેજાએ તેના ઈન્સ્ટાગ્રામ પર એક સ્કેચ શેર કર્યો છે. જેમાં તે તેની માતા સાથે T20 વર્લ્ડ કપ 2024ની ટ્રોફી હાથમાં લઈને ઉભો જોવા મળે છે. જાડેજાએ આ તસવીર શેર કરી અને લખ્યું- "હું મેદાન પર જે પણ કરી રહ્યો છું... તે તમારા માટે શ્રદ્ધાંજલિ છે."
જાડેજા 17 વર્ષના હતા ત્યારે તેમની માતાનું અવસાન થયું હતું
રવિન્દ્ર જાડેજાની માતાનું 2005માં નિધન થયું હતું. જ્યારે તે માત્ર 17 વર્ષનો હતો. તે જ સમય દરમિયાન, તે ભારતની અંડર-19 ટીમનો ભાગ બન્યો હતો. ઉલ્લેખનીય છે કે જાડેજાએ 2009માં ભારત માટે ડેબ્યૂ કર્યું હતું. તેણે ભારત માટે 74 T20Iમાં 21.45 ની સરેરાશથી 515 રન બનાવ્યા છે. આ સિવાય તેણે 7.13ની ઈકોનોમી સાથે 54 વિકેટ લીધી છે. જોકે, T20 ઈન્ટરનેશનલમાંથી નિવૃત્તિ લીધા બાદ ત્રણેય સ્ટાર ખેલાડીઓ ટેસ્ટ અને ODI રમતા જોવા મળશે.
