- બેંગલુરુ અને ચેન્નાઈ સુપર કિંગ્સર વચ્ચે મેચ
- આ મેચમાં 18 નંબર સાથે છે ખાસ સંયોગ
- વિરાટ કોહલીનું પણ 18 નંબર સાથે કનેક્શન
આજે રોયલ ચેલેન્જર્સ બેંગલુરુ અને ચેન્નાઈ સુપર કિંગ્સર વચ્ચે રમાશે. IPL 2024 પ્લેઓફની મેચ ક્વાર્ટર ફાઈનલ મેચ જેવી છે. આ મેચ સાથે જોડાયેલા તમામ તથ્યો 18 નંબર સાથે જોડાયેલા છે. 2013 બોદ 18 તારીખે યોજાયેલી એકપણ મેચ RCB હારી નથી. પરંતુ હવામાન વિભાગની આગાહીએ RCBના ફેન્સનું ટેન્શન વધાર્યું છે. વાસ્તવમાં જો વરસાદના કારણે મેચ ધોવાઈ જશે તો RCBની આશાઓ પણ ધોવાઈ જશે.
કોહલીનું પણ 18 નંબર સાથે કનેક્શન
RCB અને ચેન્નાઈ સામેની મેચના 18 નંબર સાથેનું પહેલું જોડાણ વિરાટ કોહલીની જર્સી છે. વિરાટ કોહલી 18 નંબરની જર્સી પહેરે છે. આ સિવાય આ મેચ 18મીએ રમાઈ રહી છે. ખાસ વાત એ છે કે 18મીએ રમાયેલી મેચમાં વિરાટ કોહલીનું પ્રદર્શન વધુ સારૂ રહ્યું છે. આ સિવાય જો આ મેચ સંપૂર્ણ રીતે રમાય તો RCBને પ્લેઓફમાં જવા માટે 18 રનથી જીતવું પડશે. આટલું જ નહીં, જો આ મેચમાં RCB ટીમ ચેઝ કરવા ઉતરે છે તો તેણે ચેન્નાઈના ટાર્ગેટને 18.1 ઓવરમાં હાંસલ કરવો પડશે.
RCBનું શાનદાર પ્રદર્શન
એક ખાસ વાત એ છે કે 18 મેના રોજ RCBની કિસ્મતનો સિતારો ચરમસીમા પર રહે છે. 2013 થી, RCBએ 18 મેના રોજ ચાર મેચ રમી છે અને એક પણ વખત હારનો સામનો કરવો પડ્યો નથી. એટલું જ નહીં, આ તારીખે વિરાટ કોહલીનું પ્રદર્શન પણ અલગ સ્તરનું છે. કોહલીએ 18 મેના રોજ રમાયેલી મેચમાં બે સદી અને એક ફિફ્ટી ફટકારી છે. 2013 અને 2014માં RCBએ 18 મેના રોજ ચેન્નાઈ સુપર કિંગ્સને હરાવ્યું હતું. 2013માં વિરાટે અણનમ 56 રન બનાવ્યા હતા અને 2014ની મેચમાં તેણે ખૂબ જ મહત્વપૂર્ણ 27 રન બનાવ્યા હતા. 2016માં RCBનો સામનો કિંગ્સ ઈલેવન પંજાબ સામે થયો હતો. ત્યારબાદ કોહલીએ 113 રન બનાવીને પોતાની ટીમને જીત તરફ દોરી હતી. એ જ રીતે, વર્ષ 2023માં, RCBએ 18 મેના રોજ હૈદરાબાદને હરાવ્યું હતું. કોહલીએ આ મેચમાં શાનદાર સદી ફટકારી હતી.
