- ઈંગ્લેન્ડના ફાસ્ટ બોલરની સિદ્ધિ
- ટેસ્ટ ક્રિકેટમાં લીધી 600 વિકેટ
- એશિઝ સીરિઝમાં લીધી સૌથી વધુ વિકેટ
ઈંગ્લેન્ડ ટીમના ફાસ્ટ બોલર સ્ટુઅર્ટ બ્રોડ ટેસ્ટ ક્રિકેટમાં 600 વિકેટ લેનારા બીજા ખેલાડી બન્યા છે. એશિઝ સીરિઝની 2023ના ચોથા ટેસ્ટના પહેલા દિવસે ટ્રેવિસ હેડને આઉટ કરી સ્ટુઅર્ટે 600મી વિકેટ લીધી છે. આ પહેલા ટેસ્ટ મેચમાં ઈંગ્લેન્ડના ખેલાડી જેમ્સ એન્ડરસને ટેસ્ટ મેચમાં 600 વિકેટ લીધી હતી.
600 વિકેટ લેવા સુધીનો સફર સરળ નહતો
સ્ટુઅર્ટ બ્રોડના 16 વર્ષના આંતરરાષ્ટ્રીય કરિયર દરમિયાન તેમના જીવનમાં અનેત ઉતાર-ચડાવ જોવા મળ્યા હતા. સ્ટુઅર્ટ પોતાની પહેલી ટેસ્ટ મેચ ડિસેમ્બર 2007માં શ્રીલંકા વિરુદ્ધ રમ્યા હતા. આ અગાઉ ભારતીય ઓલરાઉન્ડર યુવરાજસિંહના કારણે તેમને અલગ ઓળખ મળી હતી. વર્ષ 2007માં સાઉથ આફ્રિકામાં રમવામાં આવેલા T-20 વર્લ્ડકપમાં યુવરાજસિંહે સ્ટુઅર્ટ બ્રોડની ઓવરમાં 6 સિક્સર ફટકાર્યા હતા. આવી સ્થિતિમાંથી ખૂદને બહાર લાવવાનું કામ બ્રોડ માટે સરળ નહતું. આમ છતાં તેમણે પોતાની બોલિંગ પર ધ્યાન આપીને ત્રણેય ફોર્મેટમાં પોતાનું સ્થાન સુનિશ્ચિત કર્યું હતું.
