- ઈંગ્લેન્ડ સામેની સીરિઝમાં કોહલી ટીમનો ભાગ નથી
- વિરાટ કોહલી અંગત કારણોસર ટીમમાંથી બહાર
- સીરિઝમાં ગેરહાજરીના કારણે ફેન્સના નિશાના પર
ભારતીય ટીમનો સ્ટાર બેટ્સમેન વિરાટ કોહલી આ દિવસોમાં ઈંગ્લેન્ડ સામે ઘરઆંગણે રમાઈ રહેલી ટેસ્ટ સિરીઝમાં રમી રહ્યો નથી. વિરાટે પારિવારિક કારણોને ટાંકીને BCCI પાસે રજા માંગી હતી. 5 ટેસ્ટ સીરિઝમાં, કોહલી પ્રથમ બે ટેસ્ટમાંથી બહાર હતો અને બાદમાં તેણે છેલ્લી 3 ટેસ્ટમાંથી પણ રજા માંગી હતી. વિરાટ કોહલી છેલ્લા કેટલાક દિવસોથી આવી મહત્વની સીરિઝમાં ગેરહાજરીને કારણે ક્રિકેટ ચાહકોના નિશાના પર છે. વિરાટના આ નિર્ણયની સોશિયલ મીડિયા પર ટીકા થઈ રહી છે. હવે પૂર્વ ક્રિકેટર સુનીલ ગાવસ્કરે પણ આ મામલે વિરાટ કોહલી પર નિશાન સાધ્યું છે.
શું કોહલી IPL રમશે?
સુનિલ ગાવસ્કર રાંચીમાં એક ઈવેન્ટમાં IIMના વિદ્યાર્થીઓ સાથે વાત કરી રહ્યા હતા. આ દરમિયાન તેને પૂછવામાં આવ્યું કે વિરાટ IPL રમશે કે નહીં? તો ગાવસ્કરે કહ્યું, 'શું તે રમશે?' કેટલાક કારણોસર રમી રહ્યો નથી. કદાચ તે IPL પણ નહીં રમે.
કોહલી અંગત કારણોસર ટીમમાંથી બહાર
ઉલ્લેખનીય છે કે વિરાટ કોહલી હાલમાં જ બીજી વખત પિતા બન્યો છે. અનુષ્કાની પ્રેગ્નેન્સીને કારણે તેણે પહેલા ઈંગ્લેન્ડ સામેની પ્રથમ બે ટેસ્ટ મેચમાંથી ખસી ગયો હતો અને બાદમાં છેલ્લી ત્રણ મેચમાંથી પણ પોતાનું નામ પાછું ખેંચી લીધું હતું. કેએલ રાહુલની ઈજા બાદ એવી અટકળો લગાવવામાં આવી હતી કે વિરાટ છેલ્લી મેચોમાં જોવા મળી શકે છે પરંતુ તેમ છતાં તે ટેસ્ટ ટીમ માટે ઉપલબ્ધ નહોતો.
યુવા ખેલાડીઓનું શાનદાર પ્રદર્શન
જોકે, વિરાટની ગેરહાજરીમાં પણ ટીમ ઈન્ડિયાએ ઈંગ્લેન્ડ સામેની ટેસ્ટ સીરિઝ જીતી હતી. 5 મેચોની ટેસ્ટ સીરિઝની ચોથી મેચમાં જ ભારતીય ટીમે 3-1ની અજેય સરસાઈ મેળવી લીધી છે. વિરાટ અને અન્ય મોટા ખેલાડીઓની ગેરહાજરીમાં ટીમ ઈન્ડિયાએ સિરીઝ જીતી છે. આ સીરિઝમાં યુવા ભારતીય ખેલાડીઓએ શાનદાર પ્રદર્શન કર્યું હતું. યશસ્વી જયસ્વાલ, સરફરાઝ ખાન, ધ્રુવ જુરેલ અને આકાશ દીપે તેમના પ્રદર્શનથી ફેન્સના દિલ જીત્યા હતા.
IPL 22 માર્ચથી શરૂ થઈ રહી છે
ઈંગ્લેન્ડ સામેની ટેસ્ટ સીરિઝ બાદ ટીમ ઈન્ડિયાને લાંબો વિરામ મળવા જઈ રહ્યો છે. ટેસ્ટ સિરીઝ 11 માર્ચે પૂરી થવાની છે અને IPL 22 માર્ચથી શરૂ થવા જઈ રહી છે, જે મેના અંત સુધી ચાલશે. ટીમ ઈન્ડિયા હવે જૂનમાં શરૂ થનારી IPL પછી T20 વર્લ્ડકપમાં સીધી રીતે ભાગ લેશે.
