સૂર્યા – બુમરાહ MIને વફાદાર પણ હાર્દિક..!, ડીવિલિયર્સે આપ્યું ચોંકાવનારૂ નિવેદન

• હાર્દિક પંડ્યાએ IPLમાં તેની કારકિર્દીની શરૂઆત MIથી કરી
  
• મુંબઈ ઈન્ડિયન્સે રોહિતને કેપ્ટનશિપ પરથી હટાવ્યો
• મુંબઈ ઈન્ડિયન્સના ચાહકો નારાજ થયા

મુંબઈ ઈન્ડિયન્સે આઈપીએલની આગામી સિઝન માટે રોહિત શર્માને સુકાનીપદેથી હટાવીને હાર્દિક પંડ્યાને જવાબદારી સોંપી છે. હાર્દિક પંડ્યાને મુંબઈનો કેપ્ટન બનાવવામાં આવ્યા બાદ મુંબઈ ઈન્ડિયન્સના ચાહકો નારાજ છે. રોહિત શર્માના ફેન્સ પણ ખૂબ નારાજ છે.

પંડ્યાને લઈને સોશિયલ મીડિયા પર હોબાળો

હાર્દિક પંડ્યાને લઈને સોશિયલ મીડિયા પર હોબાળો મચી ગયો છે. તેને કેપ્ટન બનાવવાનો સતત વિરોધ થઈ રહ્યો છે. બે દિવસથી સોશિયલ મીડિયા પર હોબાળો ચાલી રહ્યો છે. રોહિત શર્માના ફેન્સે પોતાનો મોરચો ખોલી દીધો છે. આ દરમિયાન એબી ડી વિલિયર્સનું નિવેદન આવ્યું છે.

ડી વિલિયર્સે તેની યુટ્યુબ ચેનલ પર શેર કર્યા વિચાર

ડી વિલિયર્સે તેની યુટ્યુબ ચેનલ પર કહ્યું કે ઈમાનદારીથી કહું તો હાર્દિક લાંબા સમયથી મુંબઈ ઈન્ડિયન્સની સાથે હતો. હાર્દિક પંડ્યા IPLમાં તેની કારકિર્દીની શરૂઆતથી જ મુંબઈ ઈન્ડિયન્સમાં સામેલ હતો. હું સમજું છું કે બુમરાહ અને સૂર્યા તેમની બ્રાન્ડ પ્રત્યે વફાદાર હતા પરંતુ હાર્દિકે છોડવાનો નિર્ણય લીધો હતો પરંતુ હવે તે પાછો ફર્યો છે.

નકારાત્મક પ્રતિક્રિયાઓ વિચિત્ર

ડી વિલિયર્સે વધુમાં કહ્યું કે મને લાગે છે કે નકારાત્મક પ્રતિક્રિયાઓ વિચિત્ર છે. મેં એવી પોસ્ટ્સ વાંચી છે જે કહે છે કે મુંબઈ ઈન્ડિયન્સે એક પ્લેટફોર્મ પર એક મિલિયન ફોલોઅર્સ ગુમાવ્યા છે. લોકો ખૂબ જ ચિંતિત છે. આ વિચિત્ર લાગે છે.

લોકોએ ઈન્સ્ટાગ્રામ પર MIને અનફોલો કર્યું

નોંધનીય છે કે મુંબઈ ઈન્ડિયન્સે રોહિતને કેપ્ટનશિપ પરથી હટાવી દીધો અને લોકોએ ઈન્સ્ટાગ્રામ પર ટીમના હેન્ડલને અનફોલો કરવાનું શરૂ કરી દીધું. સંજોગો રાતોરાત બદલાયા, લાગણીઓ બદલાઈ, વાર્તા બની ગઈ. 5 લાખથી વધુ લોકોએ ટીમને અનફોલો કરી છે અને સંખ્યા ઝડપથી વધી રહી છે. ચેન્નાઈ સુપર કિંગ્સ હવે સૌથી વધુ ફોલોઅર્સ ધરાવતી ટીમ બની ગઈ છે.