- સૂર્યકુમાર આઈસીસી રેન્કિંગમાં છેલ્લા બે વર્ષથી નંબર વન ટી20 બેટ્સમેન
- તેનો સ્ટ્રાઈક રેટ 170 ની આસપાસ હતો
- સૂર્યકુમારે મેચ પહેલા ધીમી બેટિંગને લઈને મૌન તોડ્યું છે
સૂર્યકુમાર યાદવ ટી20માં નંબર વન બેટ્સમેન છે. આઈસીસી રેન્કિંગમાં તેને બે વર્ષ પહેલા આ સ્થાન મેળવ્યું હતું. હવે ભારતીય ટીમને આશા છે કે સૂર્યા તેના રેન્કિંગ પ્રમાણે ટી20 વર્લ્ડ કપના સુપર-8માં બેટિંગ કરશે. પરંતુ અત્યાર સુધી તે મોટી મેચોમાં પોતાના નામ પ્રમાણે પોતાની છાપ છોડવામાં નિષ્ફળ રહ્યો છે. એટલા માટે ફેન્સ તેને 'મિનો બેશર' કહીને ટ્રોલ કરતા રહે છે એટલે કે નાની ટીમો સામે રન બનાવનાર પ્લેયર કહીને ટ્રોલ કરે છે. આ વખતે પણ તે પાકિસ્તાન સામે રન બનાવી શક્યો ન હતો. તેને ગ્રુપ સ્ટેજની 3 મેચમાં 59 રન બનાવ્યા છે, જેમાં અમેરિકા સામે 49 બોલમાં 50 રનની ધીમી ઈનિંગ પણ સામેલ છે. હવે તેને પોતે આને લઈને મૌન તોડ્યું છે.
સૂર્યાએ તેની બેટિંગ વિશે શું કહ્યું?
ટીમ ઈન્ડિયા સુપર-8માં પોતાની પ્રથમ મેચ 20 જૂન ગુરુવારે અફઘાનિસ્તાન સામે રમશે. આ મહત્વપૂર્ણ મેચ પહેલા સૂર્યકુમાર યાદવે મીડિયા સાથે વાત કરી હતી. આ દરમિયાન તેની બેટિંગ પર સવાલો ઉઠ્યા હતા. સૂર્યા જે સામાન્ય રીતે 170ના સ્ટ્રાઈક રેટથી બેટિંગ કરે છે, તેને અમેરિકામાં લગભગ 100ના સ્ટ્રાઈક રેટથી રન બનાવ્યા હતા. આને લઈને તેને કહ્યું કે જ્યારે વિકેટમાં ગતિ ન હોય ત્યારે શોટ મારવામાં મુશ્કેલી પડે છે. આ સિવાય જ્યારે વિપક્ષી ટીમ તમારી રમતને સમજી લે છે, ત્યારે રન બનાવવાનું વધુ મુશ્કેલ બની જાય છે. આવી પરિસ્થિતિમાં, વ્યક્તિએ પરિસ્થિતિ અને ટીમની જરૂરિયાત મુજબ બેટિંગ કરવી પડે છે અને તે પોતે તે જ કરે છે. સૂર્યાએ વધુમાં કહ્યું કે જો કોઈ વ્યક્તિ બે વર્ષથી નંબર વન છે તો તેને ખબર હોવી જોઈએ કે દરેક કન્ડિશનમાં કેવી રીતે બેટિંગ કરવી.
ટીમ ઈન્ડિયા રમશે અગ્રેસિવ ક્રિકેટ
ન્યુયોર્કની પીચ બોલરો માટે ઘણી મદદગાર હતી. શરૂઆતમાં ત્યાં ઘણી વિકેટો પડી હતી. એટલા માટે મોટાભાગના બેટ્સમેન ધીમી ગતિએ રમતા જોવા મળ્યા હતા. આવામાં વેસ્ટ ઈન્ડિઝમાં ભારતના અભિગમ પર સવાલો ઉભા થયા હતા. તેને પૂછવામાં આવ્યું કે શું અહીં પણ ટીમ ઈન્ડિયા શરૂઆતના આંચકા બાદ સાવધાનીથી રમશે? સૂર્યાએ જવાબ આપ્યો કે ટીમ ફોર્મેટ પ્રમાણે રમે છે. વિકેટો પડવા છતાં ભારત સકારાત્મક ઈરાદા સાથે બેટિંગ કરશે અને શક્ય તેટલા વધુ રન બનાવવાનો પ્રયાસ કરશે.
સુપર-8 માટે કરી રહ્યો છે ખૂબ મહેનત
સૂર્યકુમાર યાદવે જણાવ્યું કે તે સુપર-8 માટે ઘણી પ્રેક્ટિસ કરી રહ્યો છે. સૂર્યાએ કહ્યું કે ન્યૂયોર્ક કરતાં કેરેબિયન પિચ પર મોટા શોટ મારવા આસાન છે, અહીં સ્પિનરોનો રોલ મહત્વપૂર્ણ રહેશે. એટલા માટે તે સ્વીપ અને રિવર્સ સ્વીપની પ્રેક્ટિસ કરી રહ્યો છે.
