- ભારતીય ટીમ ચેમ્પિયન બનવાને લઈને એક અદભૂત સંયોગ સામે આવ્યો
- તેને જોતા કહેવામાં આવી રહ્યું છે કે ટીમ ઈન્ડિયા ચેમ્પિયન બનશે
- 17 વર્ષ બાદ ફરી એકવાર ટી20 વર્લ્ડ કપ વિજેતા બનવાની શક્યતા
2024નો T20 વર્લ્ડ કપ હવે ટીમ ઈન્ડિયાના હાથમાં છે તેવું કહેવામાં આવી રહ્યું છે. ભારતનું ટી20 ચેમ્પિયન બનવું નિશ્ચિત છે. હવે માત્ર ટીમ ઈન્ડિયા જ 2024 ટી20 વર્લ્ડ કપનો ખિતાબ જીતશે. આ વાત થવા પાછળનું કારણ એ છે કે ઓસ્ટ્રેલિયાના બોલર પેટ કમિન્સે હેટ્રિક લીધી. હવે તમે વિચારતા હશો કે જો ઓસ્ટ્રેલિયન બોલરે હેટ્રિક લીધી છે તો તે કેવી રીતે નક્કી કરે છે કે ભારત વર્લ્ડ ચેમ્પિયન બનશે. જાણો આ કહેવા પાછળનું કારણ શું છે.
તમને જણાવી દઈએ કે 17 વર્ષ પછી એક અદભૂત સંયોગ સામે આવ્યો છે. તમે બધા જાણતા જ હશો કે 2007 ટી20 વર્લ્ડ કપનો ખિતાબ ટીમ ઈન્ડિયાએ મહેન્દ્ર સિંહ ધોનીની કપ્તાનીમાં જીત્યો હતો. ત્યારે ઓસ્ટ્રેલિયાના ફાસ્ટ બોલર બ્રેટ લીએ બાંગ્લાદેશ સામેની મેચમાં હેટ્રિક લીધી હતી. હવે ફરી એકવાર ઓસ્ટ્રેલિયાના બોલરે બાંગ્લાદેશ સામે હેટ્રિક લીધી છે. આ કારણથી એવું કહેવામાં આવી રહ્યું છે કે હવે ભારતનું ટી20 ચેમ્પિયન બનવું નિશ્ચિત છે.
બ્રેટ લીએ 2007 ટી20 વર્લ્ડ કપમાં બાંગ્લાદેશ સામે હેટ્રિક લીધી હતી. તે સમયે ભારતે ટી20 વર્લ્ડ કપનો ખિતાબ જીત્યો હતો. હવે 17 વર્ષ બાદ ઓસ્ટ્રેલિયાના પેટ કમિન્સે બાંગ્લાદેશ સામે હેટ્રિક લીધી છે. આ જોઈને ફેન્સ ભારતે ફરીથી ટાઈટલ જીતવાની વાત કરી રહ્યા છે.
આજે ભારત અને બાંગ્લાદેશની મેચ
ભારતીય ટીમે 2024 ટી20 વર્લ્ડ કપમાં અત્યાર સુધી શાનદાર પ્રદર્શન કર્યું છે. ટીમે લીગ સ્ટેજમાં ત્રણ મેચ જીતીને સુપર-8માં જગ્યા બનાવી છે. લીગ સ્ટેજમાં રોહિત સેનાની કેનેડા સામેની મેચ વરસાદને કારણે ધોવાઈ ગઈ હતી. હવે ભારતીય ટીમે સુપર-8માં પણ જીત સાથે શરૂઆત કરી હતી. હવે આજે એટલે કે 22 જૂન શનિવારના રોજ ભારતીય ટીમ તેની સુપર-8ની બીજી મેચ બાંગ્લાદેશ સામે રમશે. ત્યારબાદ 24 જૂને ટીમ ઈન્ડિયાનો સામનો ઓસ્ટ્રેલિયા સાથે થવાનો છે.
તમને જણાવી દઈએ કે સુપર-8માં તમામ આઠ ટીમોને બે ગ્રુપમાં વહેંચવામાં આવી છે. ભારતના ગ્રુપમાં અફઘાનિસ્તાન, બાંગ્લાદેશ અને ઓસ્ટ્રેલિયા છે. બીજા ગ્રુપમાં યુએસએ, વેસ્ટ ઈન્ડિઝ, દક્ષિણ આફ્રિકા અને ઈંગ્લેન્ડ છે. બંને ગ્રુપની ટોપ-2 ટીમો સેમિફાઈનલમાં પ્રવેશ કરશે અને ત્યારબાદ 29 જૂને ફાઈનલ મેચ રમાશે.
રમત-ગમતના વધુ સમાચાર વાંચવા માટે અહીં ક્લિક કરો.
