- T20 વર્લ્ડકપમાં 9 જુને ભારત અને પાકિસ્તાન ટકરાશે
- રોહિત, કોહલી અને પાકિસ્તાનના કેપ્ટન બાબર આઝમ વચ્ચે જંગ
- T20 આંતરરાષ્ટ્રીય ક્રિકેટમાં સૌથી વધુ રન બનાવવા માટે જંગ
હવે ટીમ ઈન્ડિયા અને પાકિસ્તાન T20 વર્લ્ડકપમાં પોતપોતાના અભિયાનની શરૂઆત કરવા માટે તૈયાર છે. ટીમ ઈન્ડિયા તેની પ્રથમ મેચ આયર્લેન્ડ સાથે 5 જૂન એટલે કે આજે રમવા જઈ રહી છે, જ્યારે પાકિસ્તાન 6 જૂને પોતાના અભિયાનની શરૂઆત કરશે. આ વર્લ્ડકપમાં ટીમ ઈન્ડિયાના કેપ્ટન રોહિત શર્મા, વિરાટ કોહલી અને પાકિસ્તાનના કેપ્ટન બાબર આઝમ વચ્ચે જંગ થવાનો છે. હવે જોવાનું એ રહે છે કે આમાં કયો ખેલાડી જીતે છે?
T20 ઈન્ટરનેશનલમાં સૌથી વધુ રન બનાવવાની લડાઈ
T20 આંતરરાષ્ટ્રીય ક્રિકેટમાં સૌથી વધુ રન બનાવવા માટે રોહિત શર્મા, વિરાટ કોહલી અને બાબર આઝમ વચ્ચે જંગ છે. હાલમાં આ યાદીમાં વિરાટ કોહલી પ્રથમ સ્થાને છે, જ્યારે બાબર આઝમ બીજા અને રોહિત શર્મા ત્રીજા સ્થાને છે.
વિરાટ કોહલી
વિરાટ કોહલીએ અત્યાર સુધી T20 ઈન્ટરનેશનલ ક્રિકેટમાં 117 મેચમાં 4037 રન બનાવ્યા છે. આ દરમિયાન તેણે એક સદી અને 37 અડધી સદી ફટકારી છે. T20 ઈન્ટરનેશનલમાં વિરાટનો સર્વોચ્ચ સ્કોર અણનમ 122 છે જે કોહલીએ અફઘાનિસ્તાન સામે બનાવ્યો હતો.
બાબર આઝમ
પાકિસ્તાન ટીમના કેપ્ટન બાબર આઝમે અત્યાર સુધી T20 ઈન્ટરનેશનલ ક્રિકેટમાં 119 મેચ રમી છે. જેમાં બાબરે 4023 રન બનાવ્યા છે. આ દરમિયાન બાબરે 3 સદી અને 36 અડધી સદી ફટકારી છે. T20 આંતરરાષ્ટ્રીય ક્રિકેટમાં બાબરનો સર્વોચ્ચ સ્કોર 122 રન છે.
રોહિત શર્મા
ટીમ ઈન્ડિયાના કેપ્ટન રોહિત શર્માએ T20 ઈન્ટરનેશનલ ક્રિકેટમાં 151 મેચ રમી છે. જેમાં હિટમેનના નામે 3974 રન છે. રોહિતે T20 ઈન્ટરનેશનલમાં 5 સદી અને 29 અડધી સદી ફટકારી છે. આ ફોર્મેટમાં રોહિતનો સર્વોચ્ચ સ્કોર અણનમ 121 રન છે.
