- બાંગ્લાદેશે T20 વર્લ્ડકપ 2024 માટે ટીમની જાહેરાત કરી
- નઝમુલ હુસૈન શાંતોના હાથમાં બાંગ્લાદેશ ટીમની કમાન
- શાકિબ અલ હસનની એક વર્ષ બાદ ટીમમાં વાપસી
બાંગ્લાદેશ ક્રિકેટ બોર્ડે T20 વર્લ્ડકપ 2024ને લઈને તેની 15 સભ્યોની ટીમની જાહેરાત કરી છે. નઝમુલ હુસૈન શાંતો વર્લ્ડકપમાં ટીમની કેપ્ટનશીપ કરતા જોવા મળશે. આ સિવાય ઝિમ્બાબ્વે સિરીઝમાં શાનદાર પ્રદર્શન કરનાર તનઝીમ હસન સાકિબની પણ ટીમમાં પસંદગી કરવામાં આવી છે. આ સિવાય શોરીફુલ ઈસ્લામ પણ પસંદગીકારોની અપેક્ષાઓ પર ખરો ઉતર્યો છે અને તેને વર્લ્ડકપ માટેની ટીમમાં પણ સામેલ કરવામાં આવ્યો છે.
તાજેતરમાં જ બાંગ્લાદેશે ઝિમ્બાબ્વે સાથે 5 મેચની T20 સિરીઝ રમી હતી. આ સિરીઝમાં બાંગ્લાદેશે ઝિમ્બાબ્વેને 4-1થી હરાવ્યું હતું. આ સિરીઝમાં શાનદાર પ્રદર્શન કરનાર ખેલાડીઓને વર્લ્ડકપ માટે પસંદ કરવામાં આવ્યા છે.
