- T20 વર્લ્ડકપ 2024 પહેલા પાકિસ્તાનની મોટી ચાલ
- સંન્યાસ લઈ ચૂકેલા ખેલાડીને ટીમમાં પાછા બોલાવ્યા
- વર્લ્ડકપ માટે ઓલરાઉન્ડર ઈમાદ વસીમે નિવૃતિ પરત ખેંચી
ICC T20 વર્લ્ડકપ 2024 પહેલા પાકિસ્તાન ક્રિકેટ ટીમે એક મોટી ચાલ રમી છે. પાકિસ્તાને સંન્યાસ લઈ ચૂકેલા ખેલાડીને ટીમમાં પાછા બોલાવ્યા છે. જેના કારણે ક્રિકેટ જગતમાં ખળભળાટ મચી ગયો છે. પાકિસ્તાનનું આ પગલું અન્ય ટીમો માટે મોંઘુ સાબિત થઈ શકે છે. પાકિસ્તાની સ્ટાર ઘાતક ખેલાડી છે અને તે એકલા હાથે મેચની સ્થિતિ બદલી નાખે છે. આવી સ્થિતિમાં ખેલાડીની વાપસીથી પાકિસ્તાનના કરોડો ફેન્સની ખુશીની કોઈ સીમા નથી. આનાથી પાકિસ્તાનની ટીમને ઘણી તાકાત મળશે. આવો તમને જણાવીએ કે આ પાકિસ્તાની સ્ટાર કોણ છે.
ખેલાડી ક્યારે નિવૃત્ત થયો
પાકિસ્તાનના ભૂતપૂર્વ સ્ટાર ખેલાડી ઇમાદ વસીમે નિવૃત્તિમાંથી યુ-ટર્ન લેવાનો નિર્ણય કર્યો છે. પીસીબી સાથે વાત કર્યા બાદ ખેલાડીએ વાપસી કરવાનો નિર્ણય લીધો છે. પાકિસ્તાન સુપર લીગ બાદ મુખ્ય પસંદગીકાર વહાબ રિયાઝ અને T20 કેપ્ટન શાહીન શાહ આફ્રિદીએ ઈમાદ વસીમને વાપસી કરવા કહ્યું હતું. આ પછી ખેલાડીએ ખરેખર પોતાનો નિર્ણય બદલી નાખ્યો છે અને શનિવારે જ ક્રિકેટ જગતમાં વાપસી કરવાનો નિર્ણય લીધો છે. વસીમે ગયા વર્ષે નવેમ્બરમાં આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. પરંતુ હવે આ ખેલાડીઓ T20 વર્લ્ડકપ 2024માં પાકિસ્તાન તરફથી રમતા જોવા મળશે.
પરત ફર્યા બાદ ખેલાડીનું નિવેદન
નિવૃત્તિ પરથી પરત ફરતા ખેલાડીએ કહ્યું કે મને જણાવતા ખૂબ જ આનંદ થાય છે કે PCB અધિકારીઓ સાથે વાત કર્યા બાદ મેં નિવૃત્તિમાંથી વાપસી કરવાનો નિર્ણય લીધો છે. હું T20 ક્રિકેટમાં વાપસી કરી રહ્યો છું. પીસીબીએ મારામાં જે વિશ્વાસ દર્શાવ્યો છે તેના માટે હું તેનો આભાર વ્યક્ત કરું છું. હું પાકિસ્તાનને T20 વર્લ્ડકપ 2024 જીતાડીને મારા દેશને ગૌરવ અપાવવાનો પૂરો પ્રયાસ કરીશ. મારા માટે પાકિસ્તાન પ્રથમ આવે છે. આ ખેલાડીએ પોતાના નિવેદનથી કરોડો ફેન્સના દિલ પણ જીતી લીધા છે.
શા માટે ખેલાડી પર પરત ફરવાનું દબાણ કરવામાં આવ્યું?
તમને જણાવી દઈએ કે ઈમાદ વસીમે પોતાની ટીમ ઈસ્લામાબાદ યુનાઈટેડને PSL પ્લેઓફમાં જીત અપાવવામાં મહત્વની ભૂમિકા ભજવી હતી. આ પછી, ખેલાડીએ ફાઇનલમાં પણ પોતાની ટીમને ખિતાબ જીતાડવામાં મહત્વની ભૂમિકા ભજવી હતી. આ બે મેચમાં શાનદાર પ્રદર્શન બાદ જ ખેલાડી પર વાપસી કરવાનું દબાણ હતું. આ કારણે પીસીબી અને પાકિસ્તાનના કેપ્ટને તેને વાપસી કરવા વિનંતી કરી, ખેલાડીએ આ ઓફર સ્વીકારી લીધી.
