T20 WC: રોહિત સાથે જયસ્વાલ નહીં પણ આ ખેલાડી સાથે કરશે ઓપનિંગ

• T20 વર્લ્ડકપ 2024ની શરૂઆત 2 જૂનથી થશે
  
• આ ટૂર્નામેન્ટ યુએસ અને વેસ્ટ ઈન્ડિઝમાં રમાશે
• વિરાટ કોહલીએ ઓપનિંગ કરવી જોઈએ: રિકી પોન્ટિંગ

IPL 2024 બાદ ટીમ ઈન્ડિયા T20 વર્લ્ડકપ રમતી જોવા મળશે. આ માટે ટીમ ઈન્ડિયાના કેટલાક ખેલાડીઓ ટૂંક સમયમાં અમેરિકા જવા રવાના થશે. વર્લ્ડકપમાં પોતાના અભિયાનની શરૂઆત કરતા પહેલા ટીમ ઈન્ડિયા 1 જૂને બાંગ્લાદેશ સાથે વોર્મ-અપ મેચ રમશે. વર્લ્ડકપ માટે ટીમ ઈન્ડિયાની જાહેરાત બાદ ચાહકોના મનમાં એક સવાલ ઉઠી રહ્યો છે કે ટૂર્નામેન્ટમાં રોહિત શર્મા સાથે કોણ ઓપનિંગ કરશે. જો કે યશસ્વી જયસ્વાલે ટીમ ઈન્ડિયા માટે રોહિત સાથે મળીને બેટિંગની શરૂઆત કરી છે, પરંતુ હવે પૂર્વ દિગ્ગજ ક્રિકેટરે અન્ય સ્ટાર ખેલાડીને સપોર્ટ કર્યો છે.

વિરાટે ઓપનિંગ કરવી જોઈએ

ટીમ ઈન્ડિયાનો સ્ટાર બેટ્સમેન વિરાટ કોહલી IPL 2024માં આ દિવસોમાં RCB માટે શાનદાર પ્રદર્શન કરી રહ્યો છે. આ પછી વિરાટ T20 વર્લ્ડકપમાં રમતા જોવા મળશે. હવે ઓસ્ટ્રેલિયાના પૂર્વ કેપ્ટન રિકી પોન્ટિંગે વિરાટ કોહલીનું સમર્થન કર્યું છે. રિકી પોન્ટિંગે કહ્યું કે હું ફરી એકવાર વિરાટ કોહલીને T20 વર્લ્ડકપમાં સારું પ્રદર્શન કરવા માટે સપોર્ટ કરી રહ્યો છું. તે ભારત માટે મારી પ્રથમ પસંદગી છે. કારણ કે મોટી મેચોમાં સારૂ પ્રદર્શન કરવાની ક્ષમતા વિરાટ કોહલીની અંદર છે.

વિરાટ કોહલીનું પ્રદર્શન

જો T20 ક્રિકેટની વાત કરીએ તો વિરાટ કોહલી માત્ર IPLમાં ઓપનિંગ કરતો જોવા મળ્યો છે. કોહલીએ હજુ સુધી આંતરરાષ્ટ્રીય ક્રિકેટમાં ટીમ ઈન્ડિયા માટે ઓપનિંગ કર્યું નથી. જો કે, જો આપણે IPLમાં વિરાટ કોહલીના આંકડા વિશે વાત કરીએ તો તે ખૂબ જ શાનદાર છે. IPLમાં સૌથી વધુ સદી ફટકારવા ઉપરાંત વિરાટ સૌથી વધુ રન બનાવનાર બેટ્સમેન પણ છે. વિરાટે આઈપીએલમાં અત્યાર સુધીમાં 7971 રન બનાવ્યા છે. વધુ 29 રન કરીને વિરાટ IPLમાં 8000 રન બનાવનાર પ્રથમ બેટ્સમેન બની જશે.