1 ઓવરમાં ફટકાર્યા 36 રન,નિકોલસ પૂરને કરી યુવરાજની બરાબરી, જુઓ વીડિયો

• વેસ્ટ ઈન્ડિઝ અને અફઘાનિસ્તાન વચ્ચે મેચ રમાઈ
  
• વેસ્ટ ઈન્ડિઝે T20 વર્લ્ડકપ 2024નો હાઈ સ્કોર બનાવ્યો
• વેસ્ટ ઈન્ડિઝે પાવરપ્લેમાં પણ સૌથી વધુ સ્કોર બનાવ્યો

T20 વર્લ્ડકપમાં આજે વેસ્ટ ઈન્ડિઝ અને અફઘાનિસ્તાન વચ્ચે મેચ રમાઈ હતી. આ મેચમાં વેસ્ટ ઈન્ડિઝના બેટ્સમેનોની તોફાની સ્ટાઈલ જોવા મળી હતી. વેસ્ટ ઈન્ડિઝના બેટ્સમેનોએ અફઘાનિસ્તાનની મજબૂત બોલિંગ લાઈન-અપને બરબાદ કરી દીધી હતી. આ સાથે વેસ્ટ ઈન્ડિઝે T20 વર્લ્ડકપનો એક ખાસ રેકોર્ડ પણ બનાવ્યો છે. વેસ્ટ ઈન્ડિઝે T20 વર્લ્ડકપ 2024નો હાઈ સ્કોર પણ બનાવ્યો છે.

વેસ્ટ ઈન્ડિઝે 218 રન બનાવ્યા હતા

આ મેચમાં પ્રથમ બેટિંગ કરતા વેસ્ટ ઈન્ડિઝે 20 ઓવરમાં 5 વિકેટ ગુમાવીને 218 રન બનાવ્યા હતા. જે આ સિઝનનો સૌથી મોટો સ્કોર છે. આ સિવાય વેસ્ટ ઈન્ડિઝે પાવરપ્લેમાં પણ સૌથી વધુ સ્કોર બનાવ્યો છે. T20 વર્લ્ડકપના ઈતિહાસમાં આજ સુધી કોઈ ટીમ પાવરપ્લેમાં આટલો મોટો સ્કોર કરી શકી નથી. પાવરપ્લેમાં વેસ્ટ ઈન્ડિઝે 6 ઓવરમાં એક વિકેટ ગુમાવીને 92 રન બનાવ્યા હતા. જે T20 વર્લ્ડકપ ઈતિહાસમાં અત્યાર સુધીનો સૌથી મોટો પાવરપ્લે સ્કોર છે.

મેચમાં નિકોલસ પૂરનનું તોફાન

આ મેચમાં વેસ્ટ ઈન્ડિઝ માટે વિકેટકીપર બેટ્સમેન નિકોલસ પૂરને શાનદાર પ્રદર્શન કર્યું હતું. આ મેચમાં પુરને શાનદાર બેટિંગ કરી હતી અને 53 બોલમાં 98 રનની ઇનિંગ રમી હતી. પુરને પોતાની ઇનિંગ દરમિયાન 6 ફોર અને 8 સિક્સર ફટકારી હતી. જેમાંથી એક ઓવરમાં નિકોલસ પુરને 36 રન બનાવ્યા હતા. આ મેચમાં પુરને પણ પૂર્વ દિગ્ગજ બેટ્સમેન ક્રિસ ગેલને પાછળ છોડીને એક ખાસ સિદ્ધિ મેળવી છે. પુરણ હવે T20I ક્રિકેટમાં વેસ્ટ ઈન્ડિઝ માટે સૌથી વધુ સિક્સર મારનાર બેટ્સમેન બની ગયો છે. પુરનના નામે હવે T20Iમાં 128 સિક્સર છે. આ પહેલા આ રેકોર્ડ ક્રિસ ગેલના નામે હતો. ક્રિસ ગેલના નામે 124 સિક્સર છે.