'ભારત વિશે વાત કરવા પર પ્રતિબંધ...', પાકિસ્તાની કેપ્ટનનું ચોંકાવનારુ નિવેદન; વીડિયો વાયરલ

ઇમર્જિંગ એશિયા કપ 2024 આ વખતે ઓમાનમાં આયોજિત થવા જઈ રહ્યો છે, જેમાં ભારત અને પાકિસ્તાન સહિત ઘણા એશિયન દેશો ભાગ લેશે. ભારત A સિવાય પાકિસ્તાને પણ ટીમની જાહેરાત કરી છે. મોહમ્મદ હારિસ આ સ્પર્ધામાં પાકિસ્તાન Aની કમાન સંભાળશે. પરંતુ તેણે ટૂર્નામેન્ટની શરૂઆત પહેલા એક નિવેદન આપ્યું છે, જે હાલમાં ચર્ચામાં છે.

મોહમ્મદ હરિસે આપ્યું મોટું નિવેદન

પાકિસ્તાની કેપ્ટન મોહમ્મદ હરિસે ટૂર્નામેન્ટ પહેલા એક મોટો ખુલાસો કર્યો છે. તેણે કહ્યું છે કે ઇમર્જિંગ એશિયા કપ 2024 માટે તેની ટીમના ડ્રેસિંગ રૂમમાં ભારત વિશે વાત કરવા પર પ્રતિબંધ છે. સોશિયલ મીડિયા પર એક વીડિયો વાયરલ થયો છે, જેમાં જોઈ શકાય છે કે હરિસ કહે છે કે મારા ડ્રેસિંગ રૂમમાં આ પહેલીવાર હશે જ્યારે ભારત વિશે વાત કરવા પર પ્રતિબંધ હશે. તેણે સ્વીકાર્યું કે જ્યારે અમારા ડ્રેસિંગ રૂમમાં ભારતની વાત થાય છે ત્યારે તેના ખેલાડીઓ વધુ પડતા દબાણ અનુભવે છે.

તેણે વધુમાં કહ્યું કે, આપણે માત્ર ભારત વિશે જ વિચારવાનું નથી, હું પાકિસ્તાનની સિનિયર ટીમમાં રહ્યો છું. છેલ્લો વર્લ્ડકપ પણ રમ્યો હતો. આનાથી એટલું દબાણ ઊભું થાય છે કે તમે માનસિક રીતે માત્ર ભારત વિશે જ વિચારો છો. અમારે અન્ય ટીમોનો પણ સામનો કરવો પડશે. તેથી હાલ ડ્રેસિંગ રૂમમાં ભારત વિશે વાત કરવા પર પ્રતિબંધ છે.

તિલક વર્મા ભારતની કમાન સંભાળશે

તિલક વર્મા ઇમર્જિંગ એશિયા કપમાં ભારતીય ટીમની કમાન સંભાળશે. તેના સિવાય અભિષેક શર્મા અને પ્રભસીરન સિંહને પણ ટીમમાં સામેલ કરવામાં આવ્યા છે. આ ખેલાડીઓએ IPLમાં શાનદાર પ્રદર્શન કર્યું હતું. જો કે, છેલ્લી વખત યશ ધુલે ઇમર્જિંગ એશિયા કપમાં ભારતની કમાન સંભાળી હતી. જોકે, પાકિસ્તાને ફાઇનલમાં ભારતને હરાવીને ટાઇટલ કબજે કર્યું હતું.

ઇમર્જિંગ એશિયા કપ 2024 માટે ટીમ ઈન્ડિયાની ટીમ

તિલક વર્મા (કેપ્ટન), અભિષેક શર્મા (વાઈસ-કેપ્ટન), પ્રભસિમરન સિંહ, આયુષ બદોની, નિશાંત સિંધુ, રમનદીપ સિંહ, વૈભવ અરોરા, રસિક સલામ, અનુજ રાવત, નેહલ વાઢેરા, અંશુલ કંબોજ, રિતિક શૌકીન, સાઈ કિશોર, રાહુલ ચહર અને આકિબ ખાન.