- ICC એ બાંગ્લાદેશમાં ખરાબ પરિસ્થિતિને ધ્યાનમાં લઇને નિર્ણય
- મહિલા ટી20 વર્લ્ડ કપ 2024નું આયોજન બાંગ્લાદેશમાં નહીં થાય
- ટી20 વર્લ્ડ કપ હવે સંયુક્ત આરબ અમીરાત (UAE)માં યોજાશે
ICC એ બાંગ્લાદેશમાં ખરાબ પરિસ્થિતિને ધ્યાનમાં રાખીને એક મોટું પગલું ભર્યું છે. મહિલા ટી20 વર્લ્ડ કપ 2024નું આયોજન બાંગ્લાદેશમાં થવાનું હતું, જે હવે ત્યાંથી ખસેડવામાં આવ્યું છે. ICCની વેબસાઈટ પર જારી કરાયેલા રિપોર્ટમાં એ વાતની પુષ્ટિ કરવામાં આવી છે કે બાંગ્લાદેશમાં યોજાનાર 2024 મહિલા ટી20 વર્લ્ડ કપ હવે સંયુક્ત આરબ અમીરાત (UAE)માં યોજાશે.
ICC રિપોર્ટમાં કહેવામાં આવ્યું છે કે મહિલા T20 વર્લ્ડ કપની 9મી આવૃત્તિ હવે UAEમાં રમાશે. જોકે ટુર્નામેન્ટની યજમાનીનો અધિકાર બાંગ્લાદેશ પાસે રહેશે. તમને જણાવી દઈએ કે 3 થી 20 ઓક્ટોબરની વચ્ચે યુએઈમાં 2 સ્થળોએ મહિલા T20 વર્લ્ડ કપ રમાશે, જેમાં દુબઈ અને શારજાહનો સમાવેશ થાય છે.
ICCના ચીફ એક્ઝિક્યુટિવ જ્યોફ એલાર્ડિસે એક નિવેદનમાં કહ્યું: તે શરમજનક છે કે બાંગ્લાદેશ મહિલા T20 વર્લ્ડ કપની યજમાની કરી શકશે નહીં કારણ કે આપણે જાણીએ છીએ કે બાંગ્લાદેશ એક યાદગાર ઇવેન્ટ યોજશે.
જ્યોફ એલાર્ડિસે ઉમેર્યું: "હું બાંગ્લાદેશ ક્રિકેટ બોર્ડની ટીમનો આભાર માનું છું કે તેઓ બાંગ્લાદેશમાં આ ઇવેન્ટનું આયોજન કરવા માટે દરેક સંભવિત રીતની શોધખોળ કરવા માટે, પરંતુ ભાગ લેનારી ઘણી ટીમો માટે સરકારની મુસાફરીની સલાહને કારણે, આ શક્ય બન્યું નથી. જો કે , અમે ભવિષ્યમાં ICC વૈશ્વિક ઇવેન્ટ્સ માટે હોસ્ટિંગ અધિકારો જાળવી રાખવાની આશા રાખીએ છીએ.
બળવા પછી બાંગ્લાદેશમાં સ્થિતિ વણસી ગઈ
ઉલ્લેખનીય છે કે બાંગ્લાદેશમાં અનામતનો વિરોધ થયો હતો. આ વિરોધ વચ્ચે ત્યાં સરકાર ઉથલાવી દેવામાં આવી હતી. ભૂતપૂર્વ વડા પ્રધાન શેખ હસીના દેશ છોડીને ભાગી ગયા હતા, ત્યારબાદ દેશભરમાં હિંસા જોવા મળી હતી, જેમાં 230 થી વધુ લોકો માર્યા ગયા હતા. જો કે, હવે દેશમાં વચગાળાની સરકારની રચના કરવામાં આવી છે.
