શ્રીલંકા પ્રવાસમાં આ 3 ખેલાડી લઇ શકે છે રોહિતની જગ્યા, જાણો

• ભારતનો શ્રીલંકા પ્રવાસ 26 જુલાઈથી શરૂ થઈ રહ્યો છે
  
• રોહિત, વિરાટ અને બુમરાહને આરામ આપવામાં આવ્યો
• એવા ખેલાડી જે ટીમમાં રોહિતની જગ્યા લેશે

ભારતનો શ્રીલંકા પ્રવાસ 26 જુલાઈથી શરૂ થઈ રહ્યો છે. આ પ્રવાસમાં ભારતે શ્રીલંકા સામે ત્રણ મેચની ટી20 અને વનડે સિરીઝ રમવાની છે. રોહિત શર્મા, વિરાટ કોહલી અને જસપ્રિત બુમરાહને આરામ આપવામાં આવ્યો છે. આવી સ્થિતિમાં ટીમ મેનેજમેન્ટ તેમની જગ્યાએ યુવા ખેલાડીઓને તક આપી શકે છે. તો ચાલો જાણીએ કે એવા ખેલાડીઓ કોણ છે જે ટીમમાં રોહિત શર્માની જગ્યા લઈ શકે છે.

રૂતુરાજ ગાયકવાડ

ટીમ મેનેજમેન્ટની નજર હાલમાં રૂતુરાજ પર ટકેલી છે. તેણે આઈપીએલની છેલ્લી ત્રણ સિઝનમાં શાનદાર પ્રદર્શન કર્યું છે. તેણે ઓરેન્જ કેપ પણ જીતી છે. તેણે T20 ઈન્ટરનેશનલ ક્રિકેટમાં પણ પોતાની જાતને સાબિત કરી છે. તેણે 39થી વધુની એવરેજ બનાવી છે. રૂતુરાજ ઝડપથી રન બનાવી શકે છે અને જરૂર પડ્યે પિચ પર એન્કરની ભૂમિકા પણ ભજવી શકે છે.

યશસ્વી જયસ્વાલ

યશસ્વી જયસ્વાલે પણ બહુ ઓછા સમયમાં પોતાની જાતને સાબિત કરી દીધી છે. તેણે ટી20 ક્રિકેટમાં પણ સદી ફટકારી છે. આ સિવાય તેણે ઝિમ્બાબ્વે સામે પણ 93 રનની અણનમ ઇનિંગ રમી હતી. આ ઇનિંગ્સ દરમિયાન તેણે 170થી વધુની સ્ટ્રાઇક રેટથી રન બનાવ્યા હતા. T20 કરિયરમાં તેનો સ્ટ્રાઈક રેટ 162.8 છે. આ સિવાય તે બોલિંગ પણ કરી શકે છે.

અભિષેક શર્મા

અભિષેક શર્માએ આ વર્ષે IPLમાં 400થી વધુ રન બનાવ્યા હતા. તેનો સ્ટ્રાઈક રેટ 200થી વધુ હતો. તેણે ઝિમ્બાબ્વે સામેની બીજી ટી20 મેચમાં પણ સદી ફટકારી હતી. અભિષેક શર્મા ઝડપી રન બનાવવા માટે જાણીતો છે. આ સિવાય તે પાર્ટ ટાઈમ બોલિંગ પણ કરી શકે છે.