- સુપર-8 રાઉન્ડમાં ઓસ્ટ્રેલિયા સામે ભારતીય ટીમની થશે ટક્કર
- ડેરેન સેમી નેશનલ ક્રિકેટ સ્ટેડિયમમાં બંને ટીમો સામસામે આવશે
- ટીમ ઈન્ડિયા એક વર્લ્ડ રેકોર્ડ પણ પોતાના નામે કરશે
ટીમ ઈન્ડિયા ટી20 વર્લ્ડકપ 2024ના સુપર-8 રાઉન્ડમાં ઓસ્ટ્રેલિયા સામે તેની છેલ્લી મેચ રમશે. સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં બંને ટીમો સામસામે ટકરાશે. આ મેચ ભારતીય સમય અનુસાર રાત્રે 8.00 વાગ્યાથી રમાશે. ટીમ ઈન્ડિયા માટે આ મેચ ઘણી મહત્વની બની રહી છે. ભારતીય ટીમની નજર આ મેચ જીતીને સેમીફાઈનલમાં પોતાનું સ્થાન નિશ્ચિત કરવા પર હશે. આ સાથે જ જો ટીમ ઈન્ડિયા આ મેચ જીતશે તો તે એક વર્લ્ડ રેકોર્ડ પણ પોતાના નામે કરી લેશે.
વર્લ્ડ રેકોર્ડ બનાવવાની નજીક છે ટીમ ઈન્ડિયા
ટી20 વર્લ્ડકપમાં ટીમ ઈન્ડિયાનું પ્રદર્શન અત્યાર સુધી શાનદાર રહ્યું છે. તે T20 વર્લ્ડકપના ઈતિહાસમાં અત્યાર સુધી 49 મેચ રમી ચૂક્યો છે. આ સમયગાળા દરમિયાન તેણે 33 મેચ જીતી છે અને 15 મેચમાં હારનો સામનો કરવો પડ્યો છે. હાલમાં, તે T20 વર્લ્ડકપમાં સૌથી વધુ મેચ જીતવાના સંદર્ભમાં શ્રીલંકા સાથે સંયુક્ત રીતે પ્રથમ સ્થાને છે. આવી સ્થિતિમાં જો તે પોતાની આગામી મેચમાં ઓસ્ટ્રેલિયાને હરાવશે તો ટી20 વર્લ્ડકપમાં સૌથી વધુ મેચ જીતવાનો રેકોર્ડ ટીમ ઈન્ડિયાના નામે થઈ જશે.
T20 વર્લ્ડકપમાં સૌથી વધુ મેચ જીતનાર ટીમ
- ભારત - 33 જીત
- શ્રીલંકા - 33 જીત
- દક્ષિણ આફ્રિકા - 31 જીત
- પાકિસ્તાન - 30 જીત
- ઓસ્ટ્રેલિયા - 30 જીત
બંને ટીમોની સંપૂર્ણ સ્કવોડ
ભારત: રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), યશસ્વી જયસ્વાલ, વિરાટ કોહલી, સૂર્યકુમાર યાદવ, રિષભ પંત (વિકેટ કીપર), સંજુ સેમસન (વિકેટ કીપર), શિવમ દુબે, રવિન્દ્ર જાડેજા, અક્ષર પટેલ, કુલદીપ યાદવ, યુઝવેન્દ્ર ચહલ, અર્શદીપ સિંહ, જસપ્રિત બુમરાહ, મોહમ્મદ સિરાજ.
ઓસ્ટ્રેલિયા: મિચેલ માર્શ (કેપ્ટન), એશ્ટન અગર, પેટ કમિન્સ, ટિમ ડેવિડ, નાથન એલિસ, કેમેરોન ગ્રીન, જોશ હેઝલવુડ, ટ્રેવિસ હેડ, જોશ ઈંગ્લિસ, ગ્લેન મેક્સવેલ, મિચેલ સ્ટાર્ક, માર્કસ સ્ટોઈનિસ, મેથ્યુ વેડ, ડેવિડ વોર્નર, એડમ ઝમ્પા.
