Vinesh Phogatએ લગ્નમાં સાતને બદલે લીધા આઠ ફેરા! જાણો લવસ્ટોરી

• વિનેશ ફોગટની માતા સિવાય વિનેશ ફોગટના જીવનમાં તેનો પતિ પણ છે


• વિનેશનો પતિ નેશનલ લેવલના રેસલર રહી ચૂક્યો છે
• વિનેશ અને તેના પતિની પહેલી મુલાકાત રેલવેમાં નોકરી દરમિયાન થઈ હતી

આખું ભારત આજે વિનેશ ફોગટની સાથે ઊભું છે, પરંતુ વિનેશ માટે આ મુશ્કેલ સમય છે. જ્યારે વિનેશે તેના જીવનનો સૌથી મોટો નિર્ણય લીધો ત્યારે તેને તેની માતાને સંબોધી હતી. આવામાં સવાલ એ થાય છે કે વિનેશના જીવનમાં તેની માતા સિવાય બીજું કોણ છે. તેની પર્સનલ લાઈફ કેવી છે?

વિનેશ ફોગાટની લવ લાઈફ

વિનેશ ફોગાટે રાષ્ટ્રીય સ્તરના રેસલર સોમવીર રાઠી સાથે લગ્ન કર્યા છે. બંનેના લગ્ન થયાને ઘણો સમય થઈ ગયો છે, પરંતુ આ કપલની લવસ્ટોરી રોમાંચક છે. વિનેશ અને સોમવીરની પહેલી મુલાકાત ભારતીય રેલવેમાં નોકરી કરતી વખતે થઈ હતી. બંને રેસલિંગના શોખીન છે. કુસ્તી પ્રત્યેનો તેમનો પ્રેમ ધીમે ધીમે રોમાંસમાં ફેરવાઈ ગયો.

વિનેશ અને સોમવીરની લવ સ્ટોરી ઓગસ્ટ 2018માં ચર્ચામાં રહી હતી, જ્યારે બંનેએ તેમના લગ્નની ઓફિશિયલ જાહેરાત કરી હતી. 25 ઓગસ્ટ, 2018ના રોજ, વિનેશના 24મા જન્મદિવસના અવસર પર, સોમવીર અને વિનેશે ઈન્દિરા ગાંધી ઈન્ટરનેશનલ એરપોર્ટની બહાર રિંગ્સની આપ-લે કરી.

સાતના બદલે આઠ ફેરા લીધા!

ચાર મહિના પછી ડિસેમ્બર 2018 માં, વિનેશ અને સોમવીરે એકબીજા સાથે લગ્ન કર્યા. આ લગ્નની સેરેમની વિનેશના ગૃહ જિલ્લા ચરખી દાદરીમાં આયોજિત કરવામાં આવ્યો હતો. લગ્ન દરમિયાન વિનેશ અને સોમવીરે સાતને બદલે આઠ ફેરા લીધા.

આ કપલે બેટી બચાવો, બેટી પઢાવો અને બેટી ખેલાઓના નામે આઠમો ફેરો લીધો હતો. ગીતા, બબીતા ​​ફોગાટે પણ વિનેશના લગ્નમાં હાજરી આપી હતી. ગીતા ફોગાટ તેના પતિ પવન કુમાર સાથે લગ્નના કાર્યક્રમમાં આવી હતી. તમને જણાવી દઈએ કે સોમવીર રાઠી નેશનલ લેવલ રેસલર છે અને બે વખત નેશનલ ચેમ્પિયનશિપમાં ગોલ્ડ જીતી ચૂક્યો છે.

વિનેશ ફોગાટના પરિવારમાં કોણ છે?

વિનેશ ફોગટના પરિવારમાં તેની માતા અને બહેન છે. વિનેશ જ્યારે 9 વર્ષની હતી ત્યારે તેના પિતાનું અવસાન થયું હતું. વિનેશના કાકા મહાવીર ફોગાટે તેને કુસ્તીની ટ્રિક્સ શીખવી. મહાવીર ફોગાટને પોતાની ચાર દીકરીઓ છે. ગીતા, બબીતા, સંગીતા અને રીતુની સાથે તેનો એક ભાઈ દુષ્યંત પણ છે. ગીતા, બબીતા, રીતુ અને વિનેશે આંતરરાષ્ટ્રીય સ્પર્ધાઓમાં મેડલ જીત્યા છે.