- ઇંગ્લેન્ડની ક્રિકેટર ડેનિયલ વ્યાટે કર્યા લગ્ન
- વ્યાટે વિરાટ કોહલીને કર્યું હતું પ્રપોઝ
- વ્યાટે ગર્લફ્રેન્ડ જ્યોર્જી હોજ સાથે કર્યા લગ્ન
ઈંગ્લેન્ડની મહિલા ક્રિકેટર ડેનિયલ વ્યાટે તેની ગર્લફ્રેન્ડ જ્યોર્જી હોજ સાથે લગ્ન કર્યા છે. ડેનિયલે લગ્નની તસવીરો પોતાના સોશિયલ મીડિયા એકાઉન્ટ ઈન્સ્ટાગ્રામ પર શેર કરી છે. ડેનિયલ અને જ્યોર્જી હોજ લાંબા સમયથી રિલેશનશિપમાં હતા. બંનેએ ગયા વર્ષે સગાઈ કરી હતી. જ્યારે ડેનિયલ વ્યાટ એક ક્રિકેટર છે, તો જ્યોર્જી હોજ ફૂટબોલ ટીમની મેનેજર છે. હવે ચાહકો પણ આ બંનેના લગ્નની તસવીરો પર ઘણો પ્રેમ વરસાવી રહ્યા છે.
વિરાટ કોહલીને કર્યું હતું પ્રપોઝ
ડેનિયલ વ્યાટ 2014માં વિરાટ કોહલીને પ્રપોઝ કરવાને કારણે ચર્ચામાં હતી. વર્ષ 2014માં વિરાટ કોહલીને તેના ઓફિશિયલ ઈન્સ્ટાગ્રામ એકાઉન્ટ પર પ્રપોઝ કરતી વખતે ડેનિયલ વ્યાટે લખ્યું હતું કે કોહલી, મારી સાથે લગ્ન કર. તેમની આ પોસ્ટ ફેન્સમાં ખૂબ ચર્ચાનો વિષય બની હતી. જે બાદ તેણે પોતાની પોસ્ટ પર સ્પષ્ટતા કરતા કહ્યું કે તેણે આ માત્ર મજાક તરીકે કર્યું છે.
ડેનિયલ વ્યાટનું ક્રિકેટ કરિયર
ડેનિયલ વ્યાટે ઈંગ્લેન્ડની મહિલા ક્રિકેટ ટીમ માટે અત્યાર સુધીમાં 2 ટેસ્ટ, 110 ODI અને 156 T20 ઈન્ટરનેશનલ મેચ રમી છે. ડેનિયલ વ્યાટના નામે 2 ટેસ્ટ મેચમાં 129 રન છે. આ દરમિયાન તેણે અડધી સદી પણ ફટકારી છે. આ સિવાય 110 ODI મેચમાં તેના નામે 1907 રન છે. આ દરમિયાન તેણે 5 અડધી સદી અને 2 સદી ફટકારી છે. જ્યારે ડેનિયલ વ્યાટે 156 ટી-20 મેચમાં 2726 રન બનાવ્યા છે. તેણે T20માં 14 અડધી સદી અને 2 સદી ફટકારી છે.
