UP T20 લીગમાં શું છે પ્લેઓફનો નિયમ? અહીં જોઇ શકશો લાઇવ

UP T20 લીગ 2024 હવે તેના અંતિમ તબક્કામાં પહોંચી ગઈ છે. પ્લેઓફ માટે ચાર ટીમો કન્ફર્મ થઈ ગઈ છે જ્યારે બે ટીમ પહેલાથી જ બહાર થઈ ગઈ છે. રિંકુ સિંહની ટીમ મેરઠ મેવેરિક્સ ગ્રુપ સ્ટેજની મેચો સમાપ્ત થયા બાદ પોઈન્ટ ટેબલમાં પ્રથમ સ્થાને છે. આ ટુર્નામેન્ટમાં મેરઠ મેવેરિક્સે ગ્રુપ સ્ટેજમાં 10 મેચ રમી હતી, જેમાંથી ટીમે 8માં જીત મેળવી હતી અને 2માં હારનો સામનો કરવો પડ્યો હતો. મેરઠ મેવેરિક્સને પણ આ વખતે UP T20 લીગ 2024નું ટાઈટલ જીતવા માટે પ્રબળ દાવેદાર માનવામાં આવે છે.

કેવી રીતે યોજાશે પ્લેઓફ મેચો?

UP T20 લીગ 2024 પ્લેઓફની પ્રથમ ક્વોલિફાયર મેચ મેરઠ માવેરિક્સ અને લખનૌ વચ્ચે રમાશે. આ મેચ 11 સપ્ટેમ્બરે લખનૌના એકાના સ્ટેડિયમમાં બપોરે 3 વાગ્યે રમાશે. આ સિવાય એલિમિનેટર મેચ 11મી સપ્ટેમ્બરે જ રમાશે. કાનપુર સુપરસ્ટાર્સ અને કાશી રુદ્રસની ટીમો એલિમિનેટર મેચમાં સામસામે ટકરાશે. આ મેચ એકાના સ્ટેડિયમમાં સાંજે 7.30 કલાકે જ રમાશે. જે ટીમ આ મેચ હારે છે, તેની યુપી ટી-20 લીગ 2024ની સફર અહીં સમાપ્ત થશે.

IPL જેવો હશે પ્લેઓફ

તમને જણાવી દઈએ કે UP T20 લીગ 2024નું પ્લેઓફ પણ IPLના પ્લેઓફ જેવું થવાનું છે. જે ટીમ ક્વોલિફાયર જીતશે તે સીધી ફાઇનલમાં પ્રવેશ કરશે. આ સિવાય ક્વોલિફાયર-1માં હારનારી ટીમ ક્વોલિફાયર-2માં એલિમિનેટર જીતનારી ટીમ સામે ટકરાશે. જે ટીમ આ મેચ જીતવામાં સફળ રહેશે તે પણ ફાઇનલમાં પ્રવેશ કરશે. આ ટુર્નામેન્ટની ફાઇનલ મેચ 14 સપ્ટેમ્બરે રમાશે.

મેચ ક્યાં જોઈ શકશો લાઈવ

UP T20 લીગ 2024ની તમામ પ્લેઓફ મેચો સ્પોર્ટ્સ 18 પર ટેલિકાસ્ટ કરવામાં આવશે. આ સિવાય Jio સિનેમા પર તમામ મેચોનું લાઈવ સ્ટ્રીમિંગ થશે. હવે મેરઠ માવેરિક્સ અને કાશી રુદ્રાસની ફાઇનલમાં જીતવાની સૌથી વધુ તકો માનવામાં આવે છે.