Video: છેલ્લા બોલે સિક્સર ફટકારીને સેલિબ્રેશનમાં ખેલાડીએ ફેંક્યું બેટ, અમ્પાયરને થઈ ઈજા

• એક સેલિબ્રેશનમાં એક ખેલાડીએ ભૂલ કરી
  
• સેલિબ્રેશનમાં ખેલાડીએ ફેંક્યું બેટ
• ક્રિકેટના મેદાન પર છેલ્લા બોલે અમ્પાયરને ઈજા થઈ

ક્રિકેટના મેદાન પર દરેક ખેલાડી ઈચ્છે છે કે તેની ટીમ જીતે. આ માટે તે પોતાના બેસ્ટ પ્રયાસો પણ કરે છે. પછી જ્યારે ટીમ જીતે છે ત્યારે તે સેલિબ્રેશનમાં એટલો ડૂબી જાય છે કે તેને બીજું કંઈ યાદ રહેતું નથી. આવા જ એક સેલિબ્રેશનમાં એક ખેલાડીએ એવી ભૂલ કરી કે અમ્પાયરને તેનો ભોગ બનવું પડ્યું. આ સીન ઝિમ્બાબ્વેની ડોમેસ્ટિક ક્રિકેટમાં જોવા મળ્યું હતું.

છેલ્લા બોલ પર 4 રનની હતી જરૂર

ઝિમ્બાબ્વેમાં એક સ્થાનિક સ્પર્ધાનું આયોજન કરવામાં આવ્યું હતું. જેમાં સોગો રેન્જર્સ અને રેઈનબો-1 ટીમ વચ્ચે 45-45 ઓવરની મેચ રમાઈ હતી. જેમાં પહેલા બેટિંગ કરતા સોગો રેન્જર્સે 44.1 ઓવરમાં 229 રન બનાવ્યા હતા. તેનો ટાર્ગેટ ચેઝ કરવા આવેલી રેઈનબો ટીમે 44.5 ઓવરમાં 226 રન બનાવ્યા હતા. તેને જીતવા માટે છેલ્લા બોલ પર ચાર રન બનાવવાના હતા.

બેટ્સમેને અનોખી સ્ટાઈલમાં કર્યું સેલિબ્રેશન

રોમાંચક મેચમાં બંને ટીમના ખેલાડીઓના ઉત્સાહિત હતા. આવામાં બોલર રેયાન બર્લે છેલ્લો બોલ ફેંકતા જ બેટ્સમેન ફ્રાન્સિસ સેન્ડે પોતાનું બેટ ખોલીને સિક્સર ફટકારી હતી. પોતાની ટીમને જીત અપાવવા માટે સિક્સર ફટકારીને સૈંડે આનંદથી પાગલ થઈ ગયો. તેને એટલો બધો જશ્ન મનાવવાનું શરૂ કર્યું કે તેને પોતાનું બેટ હવામાં ફેંક્યું અને તે પડતાની સાથે જ તે નોન-સ્ટ્રાઈકરના છેડે ઉભેલા અમ્પાયરના પગ સાથે અથડાયું. જેના કારણે તેને ઈજા થઈ હતી. અમ્પાયર પણ દર્દથી પીડાતા જોવા મળ્યા હતા. આ પછી પણ સૈંડે અટક્યો નહીં. તેને મેદાનમાં જ ડાન્સ કરવાનું શરૂ કર્યું. તેનો આ વીડિયો ઝડપથી વાયરલ થઈ રહ્યો છે.

ટીમ ઈન્ડિયાની ઝિમ્બાબ્વે સામે જીત

તમને જણાવી દઈએ કે તાજેતરમાં જ ટીમ ઈન્ડિયાએ ઝિમ્બાબ્વેની મુલાકાત લીધી હતી. જ્યાં ભારતીય ટીમે 5 મેચની ટી20 સિરીઝમાં 4-1થી જીત મેળવી હતી. આ પછી ટીમ શ્રીલંકા પ્રવાસ પર છે, જ્યાં તેને ત્રણ મેચની સિરીઝમાં શ્રીલંકાને વ્હાઈટવોશ કર્યું છે. છેલ્લી મેચમાં ભારતીય ટીમે સુપર ઓવરમાં જીત મેળવી હતી. હવે ટીમ ઈન્ડિયા શ્રીલંકા સામે વનડે સિરીઝ રમવા માટે તૈયાર છે. જે બીજી ઓગસ્ટથી શરૂ થવા જઈ રહી છે. રોહિત શર્મા આ સીરીઝમાં ટીમ ઈન્ડિયાની કેપ્ટનશીપ કરતો જોવા મળશે.