રાજકોટમાં ચોમાસાનો સારો વરસાદ રહ્યો. દિવાળી તહેવારના પડઘમ વાઘી રહ્યા છે છતાં વરસાદ વિદાય થવાનું નામ લેતો નથી. રાજકોટમાં રેલનગર અંડરપાસમાં વરસાદી પાણી ભરાઈ ગયા છે. 17 કરોડના ખર્ચે બનેલો અંડરપાસ દયનીય સ્થિતિમાં છે. રેલનગર અંડરપાસ બિસ્માર હાલતને લઈને સ્થાનિકોમાં પણ ભારે રોષ છે. 2 વર્ષ પહેલા અંડરપાસની સ્થિતિ વધુ ખરાબ થતા 54 લાખના ખર્ચે વોટરપ્રૂફિંગ કરાયું હતું. પરંતુ આ વર્ષના વરસાદમાં રેલનગર અંડરપાસમાં વોટરપ્રૂફિંગ સિસ્ટમ પણ ફેલ થઈ ગઈ છે.
રેલનગર અંડરપાસ કાયમી સમસ્યા
આ વિસ્તારના સ્થાનિકોનો આક્ષેપ છે કે રેલનગર અંડરપાસમાં વગર વરસાદે પણ પાણી ભરાઈ જાય છે. લોકોની સુવિધા માટે બનાવવામાં આવેલ આ બ્રિજ બન્યો ત્યારથી અમે સમસ્યાનો સામનો કરી રહ્યા છે. રાજકોટ ઉપરાંત આણંદમાં પણ અત્યારે વરસાદને લઈને લોકો મુશ્કેલીનો સામનો કરી રહ્યા છે. આણંદમાં અડધા કલાકમાં પોણા બે ઇંચ વરસાદ ખાબક્યો. પોણા બે ઇંચ વરસાદમાં લોટીયા ભાગોળ વિસ્તારમાં પાણી ભરાઈ ગયા. અને નયા વતન સોસાયટી વિસ્તાર 100 ફિટ રોડ, ઇન્દિરા સ્ટેચ્યુ અને વિશાલ મેગા માર્ટ સહિતના વિસ્તારો જળબંબાકાર થયા. ગામડી વડ, જૂની પાણીની ટાંકી પાસે પાણી ભરાતા લોકોને ભારે હાલાકી.
