- ફિલિપાઈન્સમાં અનુભવાયો ભૂકંપનો આચકો
- મિંડાનાઓમાં 7.4ની તીવ્રતાનો ભૂકંપનો આચકો
- કેન્દ્રબિંદુ 50 કિલોમીટરની ઊંડાઈ પર નોંધાયું
ફિલિપાઈન્સમાં ભૂકંપના જોરદાર આંચકા અનુભવાયા છે. નેશનલ સિસ્મોલોજીકલ સેન્ટરે જણાવ્યું હતું કે, ફિલિપાઈન્સના મિડાનાઓ ખાતે શનિવારે (2 ડિસેમ્બર)ના રોજ 7.4 તીવ્રતાનો ભૂકંપ આવ્યો હતો, જેના કારણે સુનામીની ચેતવણી આપવામાં આવી છે.
ફિલિપાઈન્સના મિંડાનાઓમાં શનિવારે 2 ડિસેમ્બરના રોજ 7.4ની તીવ્રતાનો ભૂકંપ આવ્યો હતો, જેના કારણે સુનામીની ચેતવણી જારી કરવામાં આવી છે. નેશનલ સેન્ટર ફોર સિસ્મોલોજી અનુસાર, આ ભૂકંપ રાત્રે 8:07 કલાકે આવ્યો હતો. તેનું કેન્દ્રબિંદુ 50 કિલોમીટરની ઊંડાઈ પર નોંધાયું છે.
યુરોપિયન-મેડિટેરેનિયન સિસ્મોલોજીકલ સેન્ટર (EMSC)એ આ ભૂકંપની તીવ્રતા 7.5 અને તેનું કેન્દ્રબિંદુ 63 કિલોમીટરની ઉંડાઈ પર હોવાનું જણાવ્યું છે. અમેરિકન સુનામી વોર્નિંગ સિસ્ટમે ભૂકંપ બાદ સુનામીની ચેતવણી જારી કરી હતી. તમને જણાવી દઈએ કે સામાન્ય રીતે રિક્ટર સ્કેલ પર 7 કે તેથી વધુની તીવ્રતા સામાન્ય કરતાં વધુ ખતરનાક માનવામાં આવે છે. ફિલિપાઈન્સમાં આ ભૂકંપને કારણે થયેલા નુકસાન અંગે અપડેટ આવવાનું બાકી છે.
જાપાની બ્રોડકાસ્ટર NHK એ જણાવ્યું હતું કે એક મીટર (3 ફૂટ) ઊંચા સુનામીના મોજા થોડા સમય પછી - 1:30 વાગ્યે (1630 GMT શનિવાર) જાપાનના પશ્ચિમ કિનારે પહોંચી શકે છે. ગયા મહિનાની શરૂઆતમાં, દક્ષિણ ફિલિપાઇન્સમાં 6.7 તીવ્રતાનો ભૂકંપ આવ્યો હતો, જેમાં આઠ લોકો માર્યા ગયા હતા. તમને જણાવી દઈએ કે સામાન્ય રીતે રિક્ટર સ્કેલ પર 7 કે તેથી વધુની તીવ્રતા સામાન્ય કરતાં વધુ ખતરનાક માનવામાં આવે છે. ફિલિપાઈન્સમાં આ ભૂકંપને કારણે થયેલા નુકસાન અંગે અપડેટ આવવાનું બાકી છે.
