સાઉદીથી ભારત સુધી નખાશે રેલવે લાઇન, પ્રોજેક્ટ માટે દિગ્ગજ નેતાઓએ આપી સલાહ

• G20 દેશો સહિતના નેતાઓ વચ્ચે થઈ શકે છે રેલવે ડીલ
  
• મધ્ય પૂર્વથી ભારત સુધી રેલવે લાઇન નાખવામાં આવશે
• ચીન મધ્ય પૂર્વમાં તેની છાપ વધારવાનો પ્રયાસના કારણે ડીલની જરૂર વધી
  

સાઉદી અરેબિયાથી ભારત સુધી રેલવે લાઇન નાખવાની યોજના બનાવવામાં આવી રહી છે. અમેરિકી રાષ્ટ્રપતિ જો બાઇડન, ક્રાઉન પ્રિન્સ મોહમ્મદ અને G20 સમિટમાં આવવાના છે. જેને લઇને અન્ય દેશો સાથેની બેઠકમાં આ યોજનાને અંતિમ સ્વરૂપ આપવામાં આવે તેવી શક્યતા છે.

G20 દેશો સહિતના નેતાઓ વચ્ચે થઈ શકે છે રેલ ડીલ

G20 માટે દિલ્હીમાં તમામ તૈયારઓને આખરી ઓપ આપવામાં આવ્યું છે. જો બાઇડન અમેરિકાથી ભારત જવા રવાના થયા છે. સાઉદી અરેબિયાના ક્રાઉન પ્રિન્સ મોહમ્મદ બિન સલમાન પણ ભારત આવી રહ્યા છે. તે દરમિયાન, મોટા સમાચાર એ છે કે, PM મોદી અને કેટલાક અન્ય G20 દેશો સહિત આ બંને નેતાઓ વચ્ચે રેલ ડીલ થઈ શકે છે. આ ડીલની જરૂર હતી કારણ કે ચીન મધ્ય પૂર્વમાં તેની છાપ વધારવાનો પ્રયાસ કરી રહ્યું છે. 

ચીનને નવા પ્રોજેક્ટથી અપાશે વળતો જવાબ 

ચાઈનીઝ બેલ્ટ એન્ડ રોડ ઈનિશિએટીવનો સામનો કરવા માટે આ ડીલને કોન્ફરન્સ દરમિયાન અથવા તેની બાજુની બેઠકમાં અંતિમ સ્વરૂપ આપવામાં આવી શકે છે. અમેરિકામાં એવી જોરદાર ચર્ચા છે કે જો આ ડીલ ફાઈનલ થઈ જશે તો બાઇડન એડમિનિસ્ટ્રેશન માટે મિડલ ઈસ્ટમાં પોતાની પોલિસી લાગુ કરવામાં સરળતા રહેશે. ઉદાહરણ તરીકે, ઇઝરાયેલ અને સાઉદી અરેબિયા વચ્ચેના સંબંધોને સુધારવાનું સરળ બની શકે છે. ચીનને નવા પ્રોજેક્ટથી પણ જવાબ આપી શકાય છે. એક તીર વડે બે નિશાનો મારી શકાય છે. 

ચીન ઝડપથી મધ્ય પૂર્વના દેશોમાં પોતાનો પગપેસારો કરી રહ્યું છે

ચીન ઝડપથી મધ્ય પૂર્વના દેશોમાં પોતાનો પગપેસારો કરી રહ્યું છે. બેલ્ટ એન્ડ રોડ ઈનિશિએટિવ દ્વારા ચીને વિશ્વભરના દેશોમાં સડક માર્ગે પ્રવેશ કર્યો. આ પહેલ હેઠળ રેલવેનો પણ સમાવેશ કરવામાં આવ્યો છે. જેના જવાબમાં ચીન વિરોધી દેશો રેલ ડીલ પર હસ્તાક્ષર કરવાની યોજના ધરાવે છે. આ પ્રોજેક્ટ હેઠળ આરબ દેશો એશિયાઈ ક્ષેત્ર લેવન્ટ સાથે જોડાશે, જે ઈઝરાયેલ થઈને અરબી સમુદ્ર થઈને ભારત પહોંચશે.

ચીન ગલ્ફ દેશોમાં પોતાનું નિયંત્રણ વધારી રહ્યું છે

G20 સિવાય, એક જૂથ I2U2 એટલે કે ભારત, ઇઝરાયેલ, સંયુક્ત આરબ અમીરાત અને યુનાઇટેડ સ્ટેટ્સ છે. છેલ્લા 18 મહિનામાં ગલ્ફ અને અન્ય દેશોને જોડવા માટે રેલ પ્રોજેક્ટનો મુદ્દો આ સમૂહની બેઠકમાં આવ્યો હતો.ઘણા ખાડી દેશો ચીનની બેલ્ટ એન્ડ રોડ પહેલનો ભાગ છે. આવી સ્થિતિમાં ચીન ત્યાં પોતાની હાજરી વધારી રહ્યું છે, જે ભારત અને અમેરિકા માટે મુશ્કેલી ઊભી કરી શકે છે. બિડેનનો પ્રયાસ આ ડીલને અંતિમ સ્વરૂપ આપવાનો છે જે તેમના માટે મધ્ય પૂર્વનો માર્ગ સરળ બનાવે છે અને અમેરિકન સત્તાનો માર્ગ પણ ખોલે છે.