- ગાઝા પટ્ટીમાં હવે ઇઝરાયેલી સેના અને હમાસ સામ-સામે લડવાના મૂડમાં
- હમાસને તેના મૂળમાંથી ખતમ કર્યા બાદ જ શાંતિથી બેસશે: બેન્જામિન નેતન્યાહુ
- હમાસના લડવૈયાઓ ગાઝામાં "સંપૂર્ણ શક્તિ" સાથે ઇઝરાયેલી હુમલાઓનો સામનો કરવા તૈયાર
ગાઝા પટ્ટીમાં હવે ઇઝરાયેલી સેના અને હમાસ સામ-સામે લડવાના મૂડમાં છે. ઈઝરાયલના વડાપ્રધાન બેન્જામિન નેતન્યાહુનું કહેવું છે કે હમાસને તેના મૂળમાંથી ખતમ કર્યા બાદ જ શાંતિથી બેસશે. તે જ સમયે, હમાસે શનિવારે કહ્યું હતું કે ઇઝરાયેલી સેનાએ પેલેસ્ટિનિયન પ્રદેશ પર તેના હવાઈ અને જમીની હુમલાને વધુ તીવ્ર કર્યા બાદ ગાઝામાં તેના લડવૈયાઓ "સંપૂર્ણ શક્તિ" સાથે ઇઝરાયેલી હુમલાઓનો સામનો કરવા માટે તૈયાર છે. ગાઝા પર શાસન કરતા પેલેસ્ટિનિયન આતંકવાદી જૂથે અગાઉ કહ્યું હતું કે ઇઝરાયેલ દ્વારા ગાઝામાં તીવ્ર હુમલાના અહેવાલ પછી તેના લડવૈયાઓ ઇઝરાયેલી સરહદ નજીકના વિસ્તારોમાં ઇઝરાયેલી સૈનિકો સાથે અથડામણ કરી રહ્યા હતા.
હમાસ મેદાને ઉતર્યું
અહેવાલ અનુસાર, ઇઝરાયેલના સૈન્ય પ્રવક્તા રીઅર એડમિરલ ડેનિયલ હગારીએ શુક્રવારે સાંજે એક ટેલિવિઝન ન્યૂઝ બ્રીફિંગમાં જણાવ્યું હતું કે, છેલ્લા કેટલાક દિવસોમાં કરવામાં આવેલા હુમલાઓ સિવાય જમીન દળો આજે રાત્રે તેમની કામગીરીને વિસ્તૃત કરી રહ્યા છે અને ગાઝા પર આક્રમણની એક શરૂઆત હોઈ શકે છે. તેમણે કહ્યું હતું કે, નેતન્યાહુ અને તેમની પરાજિત સેના કોઈ પણ સૈન્ય વિજય હાંસલ કરી શકશે નહીં.
7 ઓક્ટોબરે હમાસ દ્વારા કરવામાં આવેલા હુમલા બાદ ઈઝરાયેલ ગાઝા પટ્ટી પર સતત હવાઈ હુમલા કરી રહ્યું છે. થોડા દિવસો પહેલા ઈઝરાયેલે પણ ઉત્તરી ગાઝા સરહદ પર પોતાની ટેન્ક અને સૈનિકો તૈનાત કર્યા હતા. આ પછી પીએમ નેતન્યાહૂએ કહ્યું હતું કે તેઓ હમાસને તેના મૂળથી ખતમ કરીને જ મૃત્યુ પામશે. હવે ઈઝરાયેલ ગાઝામાં હવાઈ હુમલાની સાથે જમીની હુમલાઓ કરી રહ્યું છે.
ઇઝરાયેલમાં હમાસના હુમલામાં લગભગ 1400 લોકો માર્યા ગયા હતા જેમાં ઘણી મહિલાઓ અને બાળકોનો સમાવેશ થાય છે. હમાસના લડવૈયાઓએ 200થી વધુ લોકોને બંધક બનાવ્યા હતા.
