ભારત તેમજ કેનેડાની વચ્ચે છેલ્લા ઘણા સમયથી વિવાદ વધતો જઈ રહ્યો છે. જ્યાં કેનેડાના આરોપ પછી ભારત સરકારે ત્યાંના છ રાજદૂતોને બહાર કરી દીધા હતા. હવે એક મામલામાં કેનેડિયન બોર્ડર સર્વિસ એજન્સીના અધીક્ષક સંદીપસિંહ સિદ્ધુને ભાગેડુ આતંકવાદીઓની લિસ્ટમાં સામેલ કરાયો છે.
આ સાથે કેનેડિયન બોર્ડર સર્વિસ એજન્સી (CBSA)ના સુપરિન્ટેન્ડેન્ટ સંદીપ સિંહ સિદ્ધુને આતંકવાદ સંબંધિત કેસમાં નામ આપવામાં આવ્યું છે. શું તમે જાણો છો કે સંદીપ સિંહ સિદ્ધુ કોણ છે. સિદ્ધુનું નામ ભાગેડુ આતંકવાદીઓની લિસ્ટમાં સામેલ કરવામાં આવ્યું છે, જેમને ભારતે કેનેડામાંથી હાંકી કાઢવાની માંગ કરી છે. કહેવામાં આવી રહ્યું છે કે સિદ્ધુ આંતરરાષ્ટ્રીય શીખ યુથ ફેડરેશનનો છે, જેના પર પ્રતિબંધ લગાવવામાં આવ્યો છે. તે તેનો સભ્ય પણ છે અને તેની સાથે પંજાબમાં આતંકવાદી ગતિવિધિઓમાં સામેલ હોવાનો પણ આરોપ છે.
ભારત અને કેનેડા વચ્ચેના સંબંધો બહુ સારા નથી. ફરી એકવાર બંને દેશો વચ્ચે તણાવ વધતો જોવા મળી રહ્યો છે. કારણ કે કેનેડાના વડાપ્રધાન જસ્ટિન ટ્રુડોએ કોઈપણ પુરાવા વિના ભારત પર ખાલિસ્તાની આતંકવાદી નિજ્જરની હત્યામાં સામેલ હોવાનો આરોપ લગાવ્યો હતો અને હાઈ કમિશનર સંજય કુમાર વર્માને નિશાન બનાવ્યા હતા, જેના પછી ભારતે પણ કાર્યવાહી કરીને 6 કેનેડિયન રાજદ્વારીઓને હાંકી કાઢ્યા હતા.
ક્યાં છે સંદીપસિંહ સિદ્ધુ?
સંદીપસિંહ સિદ્ધુ પાકિસ્તાન સ્થિત ખાલિસ્તાની આતંકવાદી લખબીર સિંહ રોડે અને અન્ય ISI ઓપરેટિવ સાથે પણ જોડાયેલો છે. હાલમાં સંદીપ સિંહ સિદ્દુ કોલંબિયા, કેનેડામાં છે અને ત્યાંથી પંજાબમાં આતંકવાદી ગતિવિધિઓને અંજામ આપી રહ્યો છે. આટલું જ નહીં, શૌર્ય ચક્ર વીરતા પુરસ્કાર મેળવનાર બલવિંદર સિંહ સિદ્ધુની હત્યામાં પણ સંદીપ સિંહ સિદ્ધુ સામેલ હતો.
ભારતે 26નું પ્રત્યાર્પણ કર્યું
વિદેશ મંત્રાલયના પ્રવક્તા રણદીપ જયસ્વાલે કહ્યું કે ભારતે કેનેડા પાસેથી 26 લોકોના પ્રત્યાર્પણની માંગ કરી હતી પરંતુ ઓટ્ટાવાએ હજુ સુધી આ અંગે કોઈ કાર્યવાહી કરી નથી. જયસ્વાલે જણાવ્યું હતું કે 26ની પ્રત્યાર્પણ વિનંતીઓ ઉપરાંત, કેટલાક ગુનેગારોની કામચલાઉ ધરપકડ માટેની વિનંતીઓ પણ છે. જે લોકો પર આતંકવાદ અને અપરાધોનો આરોપ છે. જયસ્વાલે તેઓના નામ જણાવ્યું. તેણે કહ્યું, “હું તેમના નામ લેવા માંગુ છું. તેઓ છે ગુરજીત સિંહ, ગુરજિંદર સિંહ, ગુરપ્રીત સિંહ, લખબીર સિંહ અને અર્શદીપ સિંહ ગિલ. તેમણે કહ્યું કે આ પાંચ આતંકવાદીઓ ભાગેડુ છે, જેમના પ્રત્યાર્પણની માંગ કરવામાં આવી છે.
