ફ્લાઈટમાં મુકવામાં આવ્યા અપહ્યત નાગરિકોનાં ફોટા, 222 લોકોના અપહરણની પુષ્ટિ

• સ્વૈચ્છિક સંસ્થાઓ દ્વારા નાગરિકોને મોકવામાં આવી રહી છે સહાય
  
  
• સંસ્થાઓએ અનેક ડીલીવરી ફ્લાઈટ્સનું કર્યું આયોજન
• અપહ્યત નાગરિકોનાં ફોટા મૂકી તેમને યાદ કરવામાં આવ્યા

માનવીય સહાય માટેની ડિલિવરી ફ્લાઈટ એલ અલમાં ઈઝરાયેલનાં અપહ્યત નાગરિકોનાં ફોટા મુકવામાં આવ્યા હતાં. 24 ઓક્ટોબરે બેન ગુરિયન એરપોર્ટ પર પહોંચેલું એલ અલ પ્લેન મુસાફરો કે સુટકેસથી ભરેલું ન હતું. મુસાફરોની ગેરહાજરીમાં તબીબી પુરવઠો પહોંચાડી રહેલી ચાર્ટર ફ્લાઇટે ગાઝામાં હમાસ દ્વારા રાખવામાં આવેલા વ્યક્તિગત બંધકોના ફોટા મૂક્યા હતાં. ઇઝરાયેલ ડિફેન્સ ફોર્સના પ્રવક્તા રિયર એડમ ડેનિયલ હગારીએ સોમવારે જણાવ્યું હતું કે સેનાએ અત્યાર સુધીમાં 222 લોકોના અપહરણની પુષ્ટિ કરી છે.

આતંક સામે લાચારી

અમેરિકાની સહાય પ્રદાન કરતી વરિષ્ઠ સંસ્થા કેર વનનાં સંસ્થાપક લિઝી સ્ટ્રોસે જણાવ્યું હતું કે "આપણે ખૂબ લાચાર અનુભવીએ છીએ કારણ કે દરેક વ્યક્તિ ઇઝરાયેલમાં કોઈને ઓળખે છે અથવા ઇઝરાયેલમાં પરિવારના કોઈ સભ્ય લડતા હોય છે". તેમણે વધુમાં જણાવ્યું હતું કે "એ જાણીને કે તમને આશા જાગે છે કે પરિસ્થિતિને બદલવામાં મદદ કરવા માટે તમે જે કંઈ કરી શકો તે કરી રહ્યાં છો. જે થઈ રહ્યું છે તેમાં ઘણી બધી આશા અને પ્રેમ સંમિલિત છે. અમે કેટલીક સંસ્થાઓ સાથે ભાગીદારી કરી શક્યા તે બદલ અમે આભારી છીએ. "

અનેક સંસ્થાઓ આવી મદદે

ઈઝરાયેલની એક સ્વૈચ્છિક કટોકટી પ્રતિભાવ સંસ્થા યુનાઈટેડ હત્ઝાલાહ દ્વારા કાર્ગો હોલ્ડ તબીબી સાધનોના 16 પેલેટ્સથી ભરવામાં આવ્યું હતું. ડ્રીમલાઈનર ફલાઈટની લગભગ તમામ 271 બેઠકો પર 203 ડફેલ બેગ હતી જે તબીબી પુરવઠાથી ભરેલી હતી. આ સંસ્થા દ્વારા વિતરણ કરવામાં આવેલી વસ્તુઓમાં વેન્ટિલેટર, સક્શન ઉપકરણો, ફીડિંગ ટ્યુબ, જાળી અને ટૂર્નિકેટનો સમાવેશ થાય છે. આ પ્રકારની વધુ ડિલીવરી ફ્લાઈટ્સનું આયોજન કરવામાં આવ્યું છે. ઇઝરાયેલના ડાયસ્પોરા બાબતોના મંત્રાલય સાથે જોડાણમાં એલ અલ અને ન્યૂ યોર્ક સ્થિત અમુડીમ કોમ્યુનિટી રિસોર્સિસ પણ ડિલિવરીને સ્પોન્સર કરી રહ્યા હતા જ્યારે અન્ય સંસ્થાઓ અને વ્યક્તિઓએ ચેરિટી અને પેકિંગમાં મદદ કરી હતી.