ઈરાન પર ઈઝરાયલના હુમલાના 24 કલાક બાદ તહેરાનથી તેના સર્વોચ્ચ નેતા અયાતુલ્લાહ ખામેનેઈ વિશે સૌથી ખરાબ સમાચાર સામે આવી રહ્યા છે. ખામેનેઈ વિશેના આ અચાનક સમાચારે સમગ્ર ઈરાનમાં હલચલ મચાવી દીધી છે. એટલું જ નહીં ઈરાન ખામેનીના ઉત્તરાધિકારીની શોધ પણ તેજ કરી દેવામાં આવી છે. જેના કારણે અનેક પ્રકારની આશંકાઓ ઉભી થવા લાગી છે. જો કે, અહેવાલોમાં દાવો કરવામાં આવી રહ્યો છે કે ઈરાનના 85 વર્ષીય સુપ્રીમ લીડર અયાતુલ્લાહ ખામેનેઈ ગંભીર રીતે બીમાર થઈ ગયા છે. તેથી તેના ઉત્તરાધિકારીની શોધ ચાલી રહી છે. આમાં તેમના બીજા મોટા પુત્રનું નામ મોખરે છે.
ઉલ્લેખનીય છે કે, ઈરાનના સર્વોચ્ચ નેતા એવા અલી ખામેનેઈ વિશેના આ અહેવાલ તહેરાન પર ઈઝરાયલના હુમલાના એક દિવસ બાદ આવ્યા છે. ઈરાનના સર્વોચ્ચ નેતા અલી ખામેનેઈ ગંભીર રીતે બીમાર હોવાનું અહેવાલમાં જણાવાયું છે. ખામેનેઈ પછી તેઓના બીજા મોટા પુત્ર મોજતબા ખામેનેઈને તેમના ઉત્તરાધિકારી બનાવવામાં આવી શકે છે. શનિવારે એક રિપોર્ટમાં આ મોટો ખુલાસો થયો છે. અહેવાલમાં જણાવાયું છે કે ખામેનેઈની ગંભીર તબીબી સ્થિતિએ તેમના ઉત્તરાધિકાર માટે "શાંત યુદ્ધ" ઉભું કર્યું છે. તેણે એમ પણ કહ્યું હતું કે ઈસ્લામિક રિવોલ્યુશનરી ગાર્ડ્સ કોર્પ્સ પાસે આયાતુલ્લાહનું સ્થાન કોણ લેશે તે નક્કી કરવાનો અધિકાર હશે.
