- ઈઝરાયેલે ગાઝાનાં નાગરિકો સામે ફેલાવ્યો મદદનો હાથ
- માહિતી આપવા પર પુરસ્કાર આપવાનો કર્યો પ્રસ્તાવ
- બંધકોને છોડાવવા ઈઝરાયેલે કસી લીધી છે કમર
ઇઝરાયલ ડિફેન્સ ફોર્સિસે ગાઝાનાં રહેવાસીઓને તેમના વિસ્તારમાં બંધકોને પકડવા વિશે યોગ્ય રીતે ચકાસવામાં આવેલી, પ્રમાણિત માહિતી શેર કરવા કહ્યું છે. આઈડીએફે ગાઝાનાં નાગરિકોને કહ્યું છે કે ''જો તમારી ઈચ્છા શાંતિથી રહેવાની અને તમારા બાળકો માટે વધુ સારું ભવિષ્ય મેળવવાની હોય તો તરત જ માનવીય કાર્ય કરો અને તમારા વિસ્તારમાં બંધકોને પકડવા વિશે ચકાસાયેલી અને પ્રમાણિત માહિતી શેર કરો."
સંપૂર્ણ ગોપનીયતાની ખાતરી
ઈઝરાયેલનાં ડિફેન્સ ફોર્સે સોશિયલ મીડિયા પર લખ્યું હતું કે "ઇઝરાયેલી સૈન્ય તમને ખાતરી આપે છે કે તે તમને અને તમારા ઘરની સુરક્ષા પૂરી પાડવા માટે મહત્તમ પ્રયત્નો કરશે અને તમને નાણાકીય પુરસ્કાર મળશે. અમે તમને સંપૂર્ણ ગુપ્તતાની ખાતરી આપીએ છીએ."
હમાસ કરી રહ્યું છે બળતણની ચોરી
આઈડીએફે શનિવારે પણ કહ્યું હતું કે "ગાઝામાં નાગરિકો અને હોસ્પિટલોને વીજળી ઉત્પન્ન કરવા માટે બળતણની જરૂર છે. હમાસ પાસે તે બળતણ છે. હમાસ હોસ્પિટલો, બેકરીઓ અને નાગરિકોને બળતણ સપ્લાય કરવામાં તેની અસમર્થતાના દાવાઓ કરવાનું ચાલુ રાખે છે. તેઓ નાગરિકો પાસેથી ડીઝલની ચોરી કરે છે અને તેને તેમના ટનલ, બોમ્બર્સ અને કમાન્ડરોને ટ્રાન્સફર કરે છે."
બંધકોની નારકીય સ્થિતિ
હમાસ દ્વારા તાજેતરમાં મુક્ત કરાયેલા બે બંધકોમાંથી એક યોચેવેડ લિફશિટ્ઝે કહ્યું છે કે તે ''ઈઝરાયેલ પર ઑક્ટોબર 7ના હુમલામાં આતંકવાદી જૂથ દ્વારા અપહરણ કર્યા પછી "નરકમાંથી પસાર થઈ" હતી. મંગળવારે 85 વર્ષીય વૃદ્ધાને તે ક્ષણ યાદ છે જ્યારે કિબુત્ઝ નીર ઓઝમાં આતંકવાદીઓ તેના ઘરમાં ઘૂસી ગયા પછી મોટરબાઈક પર બંદૂકધારીઓ દ્વારા તેનું અપહરણ કરવામાં આવ્યું હતું. લિફ્શિટ્ઝે કહ્યું હતું કે "તે મુશ્કેલ હતું પરંતુ અમે આમાંથી પસાર થઈશું." તેણીએ તેલ અવીવની હોસ્પિટલમાં આ ટિપ્પણી કરી હતી જ્યાંથી તે મુક્ત થયા પછી સ્વસ્થ થઈ રહી છે.
