ઉત્તર-મધ્ય ગાઝામાં ઇઝરાયેલની સ્ટ્રાઇક! પેલેસ્ટિનિયનોને હવાઇ હુમલાનો ભય, આ કૂટનીતિ જીતાડશે જંગ

• પેલેસ્ટાઈનમાં મૃત્યુઆંક વધીને 8,000ને પાર
  
• ઇઝરાયેલે હમાસના અડ્ડાઓનો કર્યો સર્વનાશ
• હમાસને ખતમ કરવા ઇઝરાયેલે ઘ઼ડી નવી યુદ્ધનીતિ

ઇઝરાયેલ અને હમાસ વચ્ચેના યુદ્ધનો આજે 24મો દિવસ છે.બંને તરફથી હજારો લોકોના મોત થયા છે. ઇઝરાયેલી સૈનિકો ઉત્તરી અને મધ્ય ગાઝામાં ઊંડે સુધી ઘૂસી ગયા હતા. હકીકતમાં, યુએન અને તબીબી કર્મચારીઓએ ઇઝરાયેલને ચેતવણી આપી હતી કે તેના હવાઈ હુમલાઓ હોસ્પિટલો નજીક થઈ રહી છે જ્યાં હજારો ઘાયલો સાથે પેલેસ્ટિનિયનોએ આશ્રય માંગ્યો હતો.

હમાસને ખતમ કરવા ઇઝરાયેલે ઘ઼ડી યુદ્ધનીતિ

મળતી માહિતી મુજબ ઇઝરાયેલી સૈનિકો સાથે ફાયટર ટેન્ક સાથે  મધ્ય ગાઝાનાવિસ્તારના મુખ્ય ઉત્તર-દક્ષિણ હાઇવે પર કૂચ કરી છે. આ હાઇવે માટે પેલેસ્ટાઈનના સામાન્ય નાગરિકો હુમલાથી બચવા માટે ઉપયોગ કરતા હતા. તે જ સમયે ઇઝરાયલે ગાઝા સિટી અને ઉત્તરી ગાઝાની આસપાસના વિસ્તારોમાં બંને બાજુ સૈનિકો તૈનાત કર્યા છે. PM બેન્જામિન નેતન્યાહુએ તેને ઑક્ટોબર 7 ના રોજ હમાસ દ્વારા ઇઝરાયેલ પર ઘાતકી હુમલો કર્યા પછી શરૂ થયેલા યુદ્ધનો બીજો તબક્કો ગણાવ્યો હતો. 

મૃતકો અને ઘાયલોની સંખ્યા દિવસેને દિવસે વધી

દરમિયાન, ગીચ રહેણાંક વિસ્તારોમાં ઇઝરાયલી દળો અને પેલેસ્ટિનિયન આતંકવાદીઓ વચ્ચેના યુદ્ધમાં બંને બાજુના મૃત્યુ અને ઘાયલોની સંખ્યા ઝડપથી વધી રહી છે. તમને જણાવી દઈએ કે ઉત્તરી ગાઝામાં હજારો પેલેસ્ટાઈનવાસીઓ રહે છે. નોર્થ-સાઉથ હાઈવે બંધ થવાને કારણે ઈઝરાયેલ ઉત્તર ગાઝા પર કોઈપણ અવરોધ વિના સરળતાથી હુમલો કરી શકે છે.

પેલેસ્ટાઈનમાં મૃત્યુઆંક વધીને 8,000ને પાર

ગાઝાના સ્વાસ્થ્ય મંત્રાલયના જણાવ્યા અનુસાર પેલેસ્ટાઈનમાં મૃત્યુઆંક વધીને 8,000થી વધુ થઈ ગયો છે. મૃતકોમાં મોટાભાગની મહિલાઓ અને બાળકોનો સમાવેશ થાય છે. તે જ સમયે, ગાઝામાં 1.4 મિલિયનથી વધુ લોકો તેમના ઘર છોડીને વિસ્થાપિત થયા છે, જ્યારે હમાસના હુમલામાં 1,400 થી વધુ ઇઝરાયેલ નાગરિકો મૃત્યુ પામ્યા છે.