Israelની સેનાના હવાઈ હુમલામાં હમાસના ગુપ્ત ઠેકાણા તબાહ, 21 લોકોના મોતનો દાવો, જુઓ Video

ઇઝરાયલી સેના અને ગાઝા વચ્ચેનું ઘર્ષણ વધારે આગ પકડી રહ્યું હોવાના સમાચાર હાલ મળી રહ્યા છે. ઇઝરાયલી સેનાએ દાવો કર્યો છે કે તેમની સેનાએ ગાઝા પર વિનાશક હવાઈ હુમલો કરીને હમાસ સંગઠનને મોટું નુકસાન પહોંચાડ્યું છે. ઇઝરાયલી સેના તરફથી ગાઝામાં હમાસના આતંકવાદીઓના ગુપ્ત ઠેકાણાને તોડી પાડયા હોવાનો દાવો પણ કરવામાં આવી રહ્યો છે.

IDF સૈનિકો પર હતી હમાસની નજર

ઇઝરાયલી સેના અધિકારીઓનું માનવું છે કે હમાસના આતંકવાદીઓ આ ગુપ્ત ઠેકાણા પરથી IDF સૈનિકો પર નજર રાખતા હતા અને આજ ગુપ્ત ઠેકાણાને ઇઝરાયલી સેના તરફથી વિનાશક હવાઈ હુમલામાં તબાહ કરી દેવામાં આવ્યા છે. ઇઝરાયલી સેનાએ દાવો કર્યો છે કે તેમણે હુમલો કરીને ગાઝા શહેરમાં એક બહુમાળી ઇમારતમાં સ્થિત હમાસ આતંકવાદીઓના ગુપ્ત ઠેકાણાને ઉડાવી દીધો છે. IDF એ X પર તેની તસવીર પણ જાહેર કરી છે.

ગાઝામાં સ્થિત એક બહુમાળી ઇમારત પર હુમલો

IDFના કહેવા મુજબ હમાસ જે એક આતંકવાદી સંગઠન છે જે ઇઝરાયલી સંરક્ષણ દળને ઘણા સમયથી ટાર્ગેટ કરી રહ્યું છે. IDF એ કહ્યું કે હમાસ આતંકવાદીઓએ આ ઇમારતમાં ગુપ્ત માહિતી એકત્રિત કરવાના સાધનો સ્થાપિત કર્યા હતા અને સર્વેલન્સ પોસ્ટ્સ સ્થાપિત કરી હતી, જેથી વિસ્તારમાં હાજર IDF સૈનિકોની પ્રવૃત્તિઓ પર નજર રાખી શકાય. ઇઝરાયલી સંરક્ષણ દળનો દાવો છે કે હમાસ આતંકવાદીઓએ ઇમારતની આસપાસ ઘણા વિસ્ફોટક ઉપકરણો પણ લગાવ્યા હતા.