Iran Attacks Israel: ઈરાને ઈઝરાયલની કરી છે બદ્દતર હાલત, પથરાઈ ગયો કાટમાળ

ઈઝરાયલ પર ઈરાનના હુમલાઓએ દેશમાં તબાહી મચાવી છે. ઈરાન અને ઈઝરાયલ વચ્ચે 13 જૂનથી શરૂ થયેલી લડાઈએ ઈઝરાયલમાં ભારે તબાહી મચાવી છે. હવે ઈઝરાયલી મિડીયા દ્વારા આંકડાઓ સામે આવ્યા છે. તે આ યુદ્ધની અસર દર્શાવી રહ્યા છે. રિપોર્ટ્સ પ્રમાણે ફક્ત 12 દિવસના યુદ્ધમાં ઈઝરાયલમાં લગભગ 39 હજાર લોકોએ મદદ માટે આવેદન કર્યું છે. જેમાં વધુમાં વધુ મકાનો તૂટી જવાની ફરીયાદો છે.  

30 હજારથી વધુ ઈમારતોને નુકસાન 

ઈઝરાયલી ટેક્સ ઓથોરિટીના મદદ વિભાગને અત્યાર સુધી કુલ 38,700 અરજીઓ મળી છે. જેમાંથી 30,809 અરજીઓ મકાનના નુકસાનને લઈને છે. એટલે કે લોકોએ જણાવ્યું કે તેમના ઘર અને એપાર્ટમેન્ટ પર મિસાઈલોની અસર થઈ છે. ઉપરાંત, 3,713 દાવા વાહનોના નુકસાન માટે અને 4,085 દાવા મશીનરી તથા અન્ય સામાન માટે કરાયા છે. માનવામાં આવે છે કે હજારો અન્ય ઇમારતોને પણ નુકસાન થયું છે પરંતુ અત્યાર સુધી તેમાં માટે કોઈ દાવો કરવામાં આવ્યો નથી. એટલે કે, આવતા દિવસોમાં આ આંકડો હજી વધુ વધી શકે છે.

સૌથી વધુ નુકસાન તેલ અવિવમાં નોંધાયું છે. સ્થાનિક વેબસાઇટ બાહાદરાઈ હરેદીમ મુજબ, સૌથી વધુ વળતર માટેના દાવા ઇઝરાયેલની રાજધાની તેલ અવિવમાંથી (24,932થી વધુ દાવાઓ) આવ્યા છે. તેના પછી સૌથી વધુ તબાહી દક્ષિણ ઇઝરાયેલના અશ્કેલોન શહેરમાં, જ્યાંથી 10,793 દાવા કરવામાં આવ્યા છે.

હવે પ્રશ્ન એ છે કે વળતર કેટલું મળશે? તો હાલમાં સરકાર દ્વારા કોઇ સત્તાવાર અંદાજ જાહેર કરવામાં આવ્યો નથી. પરંતુ જે રીતે દાવાઓની સંખ્યા વધી રહી છે, એથી સ્પષ્ટ થાય છે કે આ યુદ્ધનો આર્થિક ભાર પણ ઇઝરાઇલ માટે ભારે પુરવાર થવાનો છે.