ઈરાને અમેરિકાના સંરક્ષણ વિભાગ પેન્ટાગોન પર યુદ્ધના ખર્ચ અંગે ખોટી માહિતી આપવાનો ગંભીર આરોપ લગાવ્યો છે. ઈરાનના વિદેશ મંત્રી અબ્બાસ અરગચીએ દાવો કર્યો છે કે જંગનો અસલી ખર્ચ અમેરિકા દ્વારા જાહેર કરાયેલા આંકડા કરતા અનેકગણો વધારે છે.
શું છે ઈરાનનો દાવો?
વિદેશ મંત્રી અબ્બાસ અરગચીએ સોશિયલ મીડિયા પર પોસ્ટ કરીને જણાવ્યું કે પેન્ટાગોન સત્ય છુપાવી રહ્યું છે. તેમના મતે, આ યુદ્ધને કારણે અમેરિકાને અત્યાર સુધીમાં 100 અબજ ડોલરથી વધુનું નુકસાન થયું છે, જે અમેરિકાએ જણાવેલા 25 અબજ ડોલરના આંકડા કરતા 4 ગણું વધારે છે. અરગચીએ વધુમાં ઉમેર્યું કે દરેક અમેરિકન પરિવાર પર દર મહિને લગભગ 500 ડોલરનો બોજ પડી રહ્યો છે.
