ઇઝરાયલે સમગ્ર ગાઝા પર કબજો કરવાની પ્રતિજ્ઞા લેતા ઘાતક હુમલા શરૂ કર્યા છે. મંગળવારે ગાઝા પટ્ટી પર ઇઝરાયેલ દ્વારા કરાયેલ હુમલામાં અનેક પેલેસ્ટિનિયન લોકો માર્યા ગયા. આ હુમલામાં ગાઝાની અંદર મહિલાઓ અને બાળકો સહિત કુલ 92 લોકોના મોત થયા હોવાનું સામે આવ્યું છે. દરમિયાન ઇઝરાયલને સિરીયામાં કરાતા હુમલા રોકવા અમેરિકા દ્વારા વિનંતી કરવામાં આવી. સિરીયામાં ચાલતા જાતીય હિંસા અને તણાવ રોકવા અમેરિકાએ આ પગલુંભર્યું હોવાનું મનાય છે.

ગાઝાએ હુમલાની કરી પુષ્ટિ

ગાઝાના આરોગ્ય મંત્રાલય દ્વારા આ બાબતે પુષ્ટિ કરવામાં આવી છે કે સોમવારે સાંજે ગાઝા પર કરાયેલ હુમલામાં અલ-હાવા જિલ્લામાં રહેતા એક જ પરિવારના 19 લોકો માર્યા ગયા. આ પરિવારમાં હુમલાનો ભોગ બનેલ લોકોમાં 8 મહિલા અને 6 બાળકોનો સમાવેશ થાય છે. આ ઉપરાંત આ જ જિલ્લામાં વિસ્થાપિત લોકોના શિબિર પર થયેલ હુમલામાં 4 લોકો માર્યા ગયા. યુદ્ધની સ્થિતિને લઈને ગાઝા દ્વારા આપવામાં આવેલ માહિતી મુજબ છેલ્લા 24 કલાકમાં 93 લોકો માર્યા ગયા જ્યારે 278 ઘાયલ લોકોને સારવાર માટે હોસ્પિટ લાવવામાં આવ્યા. જો કે આ હુમલાને લઈને ઇઝારયેલ દ્વારા કોઈ સત્તાવાર નિવેદન જારી કરાયું નથી.

સિરીયામાં હુમલા રોકવા અમેરિકાનું દબાણ

અમેરિકાના રાષ્ટ્રપતિ ડોનાલ્ડ ટ્રમ્પ વૈશ્વિક સ્તરે ચાલતા રશિયા-યુક્રેન અને ઇઝરાયેલ-હમાસ-ગાઝામાં વચ્ચે ચાલતા યુદ્ધને અટકાવવા અનેક વખત પ્રયાસ કર્યા છે. તાજેતરમાં રશિયા અને યુક્રેન યુદ્ધને લઈને ડોનાલ્ડ ટ્રમ્પે રશિયન રાષ્ટ્રપતિ વ્લાદિમીર પુતિનને ધમકી આપી હતી કે 50 દિવસની અંદર યુદ્ધનો અંત લાવી દો નહીંતર કોઈ સમજૂતી થશે નહી. જ્યારે ઇઝરાયેલ પણ ભયંકર હુમલા બંધ કરે તેવી અપીલ કરી હતી. હાલમાં અમેરિકાના વહીવટીતંત્ર દ્વારા ઇઝરાયલને સીરિયાના દક્ષિણ ભાગમાં સરકારી દળો પર હવાઈ હુમલા બંધ કરવા વિનંતી કરી છે.

Also Read